لميس الحديدي عن مشهدي ستانلي وبور سعيد ليلة راس السنة : أناس بلا عقل ولا ضمير وإنتحار جماعي
عرضت الاعلامية لميس الحديدي مشهدين في محافظتي بور سعيد والاسكندرية عشية إحتفالات راس السنة أظهر الاول تجمعات من الشباب فى شوارع طرح البحر و23 يوليو، بمحافظة بورسعيد، بعد قيامهم بقذف حجارة كبيرة الحجم على السيارات المارة في الشوارع، كنوع من الاحتفال بليلة رأس السنة الميلادية الأمر الذى تسبب في تلفيات للسيارات المارة في الشوارع ونزل أصحابها لمطاردة هؤلاء الشباب مع الأمن.
أما المقطع الثاني في محافظة الاسكندرية والذي اظهر تجمعات كبيرة لمحتفلين براس السنة الميلادية الجديدة على كوبري ستانلي بمحافظة الاسكندرية قائلة : " أنا مش ضد إن الناس تحتفل براس السنة الناس إتخنقت وزهقت وتعبانة وعاوزة تحتفل ده حقهم ... لكن مش حقهم الي حصل مساء الخميس ... فرحة الناس في الاسكندرية براس السنة والذي حمل هتافات بكورونا في عز " كورونا " ومش فاهمة الهتافات بإسم كورونا مش فاهماها هي تحدي ولا إيه ؟ " واكملت " اما بالنسبة لشارع البحر في بور سعيد والذي شهد أعمال عنف بإسم الاحتفال حيث كان هناك مجموعة من الشباب حبوا يحتفلوا لحد ماقلب بغم بداوا يضربوا طوب وقوات الشرطة تدخلت وألقت القبض على 15 شخص " وأتمت قائلة : " أنا دورت على شكل تعليق مناسب للي حصل في المحافظتين لكن وجدت أن ماحدث لايرقى للتعليق لان ماحدث هو إنتحار جماعي فهم مجموعة من الناس بلا عقل ولا ضمير مش لاقية ألفاظ أكثر تهذيباً لوصف هذه الاحداث لو مش خايف على أهلك ولا نفسك إحنا خايفين على بلدنا وأهالينا .. عاوز تنتحر روح إنتحر لوحدك وموت نفسك روح شوفلك كوبري ونط .. لكن بتضرنا ليه ؟ مش خايف على أمك وابوك الشقاينين ولا ولادك الصغيرين ؟ إيه السعادة في هتاف إسكندرية بتاع " كورونا " إيه الشجاعه والرجولة في الموقف ده ؟ فين المرجلة والشجاعه في التحدي ده ؟ بتخوف الفيروس مثلاً ؟ ولا الدولة وأجهزتها ؟ هذه المشاهد ليس لها علاقة إطلاقاً بالحرية الفردية ولا بفرحة الاحتفال لانه في أوقات الاوبئة والكوارث تكون المسؤولية الجماعية.
اقرأ المزيد..جامعة الأزهر تنظم قافلة طبية و توعوية الى المناطق الأكثر احتياجاً بمحافظة الفيوم
حاتم علي-ترتيب الدوري المصري-رولا محمود-الشحات مبروك—فاتورة الكهرباء-عاصي الحلاني-عمرو موسى-اكرم حسني-صلاح محسن-الاهلي
