تعرف على ”فرح شعبان” خطيبة اليوتيوبر ”علي غزلان”

أعلن، أمس، اليوتيوبر علي غزلان، خطوبته على فرح شعبان ملكة جمال مصر لسنة 2017، ونشر غزلان وخطيبته صورا من حفل خطوبتهما.

ووجه علي غزلان رسالة رومانسية إلى خطيبته على صفحته الشخصية بموقع "فيس بوك"، قائلا: " رُبّ قدرٍ يُساق إليّنا خيرٌ من ألفِ حُلم.. كل إنسان ليه ٢٤ قيراط ف حياته وأنا ربنا رزقني بيهم كلهم فيكي".

وأضاف على غزلان: "من يوم ما شوفتك ما شوفتش غيرك.. كأن حياتى بدأت من النقطة دي.. كل حاجة فيا اتغيرت.. ابتديت أشوف كل حاجة بشكل مختلف.. إبتديت أعيش بجد.. حتى النفس اللى بتنفسه بقى ليه طعم تاني.. ازاى ده حصل وإمتى وليه ؟!.. معنديش تفسير غير انى بحبك.. بحبك كأنى كنت تايه وفجأة وصلت".

واستكمل غزلان رسالته الرومانسية لخطيبته: "أول ما قابلتك حسيت اني أخيراً في المكان المناسب.. كنت بدور على الحب طول السنين اللي فاتت ولما قابلتك اكتشفت اني كنت بدور عليكي انتي.. كنت فاكر اني متأخر.. بس معاكي اكتشفت ان كل حاجة بتيجي في وقتها.. وان المعجزة اللي عشت بطلبها من ربنا عشان تغير حياتي كانت (انتي)"

وتساءل الكثير عن فرح شعبان وما هي المعلومات المتوفرة عنها، لذلك نرصد لك بعض المعلومات عنها.

فرح شعبان هي الوجه الإعلامي لمبادرة «أنتِ الأهم» وسفيرة النوايا حسنة لإحدي المنظمات التنموية.

ودرست فرح الثانوية النظام الدبلومة الأمريكية في القاهرة ثم التحقت بكلية الحاسبات والمعلومات بالجامعة البريطانية في مصر.

تهوى فرح التمثيل والسباحة والقراءة والسفر بشكل مستمر وترغب في أن تكون مقدمة برامج ناجحة لتقديم برامج للأطفال.