الفنان عمرو فريد يشيد بأهم اعمال الزعيم عادل امام

نشر الفنان عمرو فريد عبر صفحته الشخصية بمواقع التواصل الاجتماعي فيس بوك صورة للفنان عادل امام ٠

وذكر عمرو " في احد الحلقات "هاله سرحان" استضافت الزعيم  فقالها جُملة بسيطة جداً لكن قوية،"عايزة تعرفي تاريخ مصر .. إتفرجي علي أفلام عادل إمام" الجملة دي خلقت جدل كبير للزعيم واتهاجم بسببها  من فنانين جيله وزملائه وحتي من الجمهور نفسه واتوصف بالغرور ٠

وأضاف فريد " حينما تنظر للموضوع من زاوية تانية هنلاقي ان "الزعيم" عنده حق  لأنه هنا كان يقصد تاريخ مصر المعاصر  مش تاريخ ٧٠٠٠ سنة حضارة "! 

تاريخ الحقبه اللي عاشها وامتدت علي مدار اكتر من نص قرن استطاع أن يترك بصمه وعلامه ف كل عقد منها بأعمال خالدة علي مر التاريخ ٠

واشار عمرو " الفن مرآة الشعوب .. و "عادل امام" تجسيد حي للمقوله دي قدر أنه  يستغل ذكائه الفني انه يعكس مشاكل المجتمع في كل فيلم قدمه كنوع من توثيق الحدث .. سواء بقي الحدث ده سياسي او إجتماعي او حتي ديني.

وأكد" عندما تبحث في تاريخ مصر عن ممثل إتكلم عن قضية المُحلل أو أزمة السكان كقضايا إجتماعية ، مستحيل تلاقي ممثل اتكلم عن الإرهاب بالجُرأة دي ، مظنش في ممثل هاجم رجال الأعمال بالضراوة دي ، طب ممثل هاجم الهيئة القضائية بالكم ده من السخرية .. متحاولش تفكر ، مفيش ! 

واوضح " لكن الفنان الراحل سعيد صالح" رحمة الله عليه كان بيقول في احد لقاءاته : انا بخلص مسرح و أنزل أسهر في السيده زينب  .. اما "عادل" ف بيخلص و ينزل يسهر مع كبار رجال الأعمال و السياسيين !! 

يعني بإختصار "عادل امام" عرف يسلك بين الناس دي و يقدم المحتوي اللي هو عايزه بحرية ..  بعكس "سعيد صالح" اللي جرأته في الطرح من غير توطيد العلاقات دي أدت الي سجنه !!

وأضاف " و يمكن ذكاء "عادل" الإجتماعى ده هو اللي وصله لمنصب مرموق زي سفير النوايا الحسنة للأمم المتحده الخاصه بشئون اللاجئين ،  كما إنه وطد علاقاته بمعظم رؤساء الدول في المنطقة العربية اللي كانوا فعلياً (صُحابه) !! 

 "عادل امام"  قامة فنية كبيرة جداً و ليها وزنها في العالم العربي كله مش بس مصر ..صدق الكاتب الراحل "أحمد رجب" في وصفه للزعيم بجملة واحدة .. “ عادل إمام هو القراءة للجميع ! “في فنانين كتير من أصحاب الريأكشنات الثابته ذوي الدور الواحد الناس اللي حصرت نفسها أمام الكاميرا وعند الجمهور بشخصيه وحده عادل امام كان اكتر واحد مختلف عن عامة الفنانين عادل امام جسد تقريبا كل شخصيات المجتمع بأنواعها الكويسه واللي مش كويسه الخير والشر حتي الادمي والغير ادمي،نتفق او نختلف عادل امام مش مجرد ممثل عاديعادل إمام ظاهرة بكل المقاييس