رانيا محمود ياسين لمهاجميها: «عيب تعملوا كده وتخوضوا في سيرتي»
أعلنت الفنانة رانيا محمود ياسين، من خلال البث المباشر على صفحتها الرسمية على موقع التواصل الإجتماعي "فيسبوك" إنها تتعرض لهجوم من بعض المتابعين وذلك بعد تعليقها الآخير قائلة: "اللي عايز يسيب الفن يسيبه بألف سلامة لا المواهب هتنضب ولا الفن ولا الدنيا بتقف على حد الفن رسالة رغم أنف الهرايين" وذلك بعد اعتزال المطرب الأردني أدهم نابلسي.
وبدأت رانيا البث المباشر معلقة: "من إمبارح بتعرض لهجوم مش عارفة مصدره إيه، وعلى حاجة أنا مش فهماها أصلًا، أنا واحدة كتبت على صفحتي الفن مش هينضج والدنيا مش بتقف على حد سواء حد اعتزل، أنا مجبتش سيرة أدهم نابلسي، خالص، ولا أنا يعنيني أي مطرب أو أي فنان يعتزل أو لا لأن دي حرية شخصية، أنا مش من حقي أدخل فيها أصلاً" .
وتابعت: "لما هو الفن حرام، انتوا بتابعونا ليه مثلا، بتخش على صفحتي ليه انت بتسمع أغاني عبد الحليم وأم كلثوم أو حتي حمو بيكا ليه مل الناس اللي هما في حياتنا وفي وجدانا، انا مش بتكلم هو عايز يعتزل هو حر، البوست مكنش موجه لأدهم، انا كلامي للناس اللي بتحرم الفن" .
وأضافت: "عيب تعملوا كدة وتخوضوا في سيرتي علشان قلت الفن رسالة، عمالين من أمبارح بتشتموا فيا وبتخوضوا فيا، وبتغلطوا فيا وانتي أصلاً الفن توريث، ومبتعرفيش تمثلي، ليه الغلط ده كله، لازمته ايه، أنا طول عمري بشتغل، عمري ماعملت حاجة وفشلت الحمدلله، برغم قلة أعمالي، الحمد لله مقدمتش مشهد أتكسف منه أو أبقى محرجة منه أمام أولادي، أنا مؤمنة جدًا بحرية الآخر، وبحرية أدهم النابلسي، أو حنان ترك، أو فضل شاكر، أو والدتي الفنانة شهيرة حينما اعتزلت الفن كل واحد حر" .
واستكملت: "الناس بتغلط فيا لكن لغاية أبويا مش هسكت، انتم النهاردة بتتكلموا على محمود ياسين وهو رمز من رموز مصر، أنا بكرة هروح أحط تمثاله في بورسعيد، واختتمت قائلة: "السوشيال ميديا بقت صعبة وبجد عيب" .
يذكر أن رانيا محمود ياسين، ممثلة مصرية، ولدت في مدينة القاهرة في عام 1972، تخرجت من قسم اللغة الإنجليزية بكلية الآداب في جامعة القاهرة، واتجهت بعدها إلى التمثيل فهي من أسرة فنية حيث أن والدها الفنان محمود ياسين، ووالدتها شهيرة، وشقيقها الممثل عمرو محمود ياسين، وزوجها الممثل محمد رياض ولها 2 من الأبناء، هم آدم و عمر بدأت حياتها الفنية من خلال فيلم قشر البندق، من إخراج خيري بشارة، وقدمت العديد من الأعمال التلفزيونية،
