اتحاد أمهات مصر يستطلع آراء أولياء الأمور حول مشاكل التعليم
استطلعت مؤسس ائتلاف أولياء أمور المدارس الخاصة واتحاد أمهات مصر للنهوض بالتعليم عبير أحمد، آراء أولياء الأمور في أهم القضايا التعليمية التي تشغلهم عبر منشور تفاعلي على موقع التواصل الاجتماعي فيس بوك، وكتبت: إيه الموضوعات التي تشغلكم أكتر وحبينا نتكلم فيها ونطرحها.. لو في موضوع معين يا ريت تكتبوه في تعليق".
وتفاعل أولياء الأمور على صفحتي اتحاد أمهات مصر وائتلاف أولياء أمور المدارس الخاصة، حيث قالت ولي أمر: "موضوع سنة رابعة ابتدائي وتعديل جدول الامتحان، نتمنى يكون في تغيير".
وأضافت ولي أمر: "يا ريت لو أمكن نتكلم في موضوع الكتب الإجباري اللي بندفعها فالمدرسة واحنا مش مستفيدين بيها أصلا، كل شغلنا كتب خارجية"، وتابعت ولي أمر أخري: "نتكلم عن جعل الوحدة الأخيرة للاطلاع خصوصا وأننا داخلين على شهر رمضان مفيش وقت للمذاكرة والامتحانات هتكون خلاص قربت".
وقالت أخرى: "يا ريت المواد التي لا تضاف للمجموع يتم امتحانها من قبل المدرسة قبل بداية الامتحانات"، تستكمل ولي أمر أخري: "تخفيف المناهج للترم الثاني وخصوصا الشهادة الإعدادية مفيش وقت خالص، وكمان الكمبيوتر والرسم ميبقوش مواد نجاح وسقوط".
وذكرت ولي أمر: "نتمنى نتكلم ونهتم بالثانوية العامة شوية الفترة دى وامتحاناتهم والمراجعات، وإذا كان الامتحان ورقى أو على التابلت عشان كل يوم برأي مختلف ونتمنى ربنا يوفقنا جميعا يا رب".
وأضافت ولي أمر: "نتمنى نهتم شوية ونحسن من طريقة التعليم شوية، التعليم في مصر ٩٠% منه نظري مفيش اهتمام بمهارات الطالب نفسه، ننمي قدراته مع إن ده لو حصل وكل طالب تخصص في الحاجة اللي بيحبها كل طالب هيبدع لأن المناهج مش مناسبه لكل الطلاب وكل طالب عنده قدرات مختلفة يجب على الدولة اكتشافها وتنميتها".
