إلهام شاهين توجه رسالة قاسية لقناة الجزيرة.. تعرف عليها
وجهت الفنانة إلهام شاهين، رسالة قاسية لجميع العاملين بقناة الجزيرة.
إلهام شاهين ترد على قناة الجزيرة
جاء هذا خلال لقائها الحصري مع "الديار"، في ردها على منتقديها، بسبب أفيش مسلسلها الجديد "بطلوع الروح"، الذي تظهر فيه مرتدية وشاحًا على الرأس مكتوب عليه (لا اله إلا الله محمد رسول الله).
وقالت: " قناة الجزيرة بدأت تشتغل عليا تاني، وبقول للي في الجزيرة يا ريتك تنتفضوا للإسلام زي ما بتنفعلوا علينا، كنتم فين لما الدواعش اخدوا الطيار الأردني اللى حرقوه والمسيحيين المصريين في ليبيا اللى ذبحوهم، ولما خربوا ليبيا والعراق وسوريا، كنتم فين؟".
وأكملت: "احنا بنحاول ننقذ الشباب والشابات اللي بيتعملهم غسيل مخ، فاحنا بنفوقهم وبنقولهم يبعدوا عن الناس اللي بيتاجروا بالدين".
أفيش بطلوع الروح
وتابعت: "بقول للناس اللي بتهاجمني، هو الأفيش عملكم رعب وقد كدة خايفين من فضح تطرفكم وإرهابكم وأعمالكم القذرة".
وأضافت: "نعدكم بعمل محترم يحترم فكر الناس وعمل ذي قيمة وأشكر المخرجة الكبيرة كاملة أبو ذكري، وهيبقى من الأدوار المؤثرة جدا في حياتي".
رد إلهام شاهين على منتقدي "بطلوع الروح"
واستطردت قائلة: "الزي اللي لبسته في بطلوع الروح، مش من اختراعنا ده لبس الداعشيات، وما حدش يقولي إزاي بتلبسي لا إله إلآ الله على راسك وبتقتلي، هو ده حال الدواعش والداعشيات، أنا بمثل شخصيتهم و أفعالهم، هما مش الدين، و لو شايفين ده غلط يبقى هما مش احنا".
وأضافت: "كل أدواري لها رسائل مهمة حتى الدور المنحرف له رسالة مهمة، أول لما الفن يكشف فضائحهم وفظائعهم يقوموا يهاجموني، انا نفسي المنفعلين ينفعلوا على الصورة الحقيقية مش عليا أنا، إزاي تعتبروا الجماعات المتطرفة تعبر عن الإسلام؟، ومفيش دين أبدا يحض على الإرهاب والتطرف".
