رحمة أحمد مازحة عن تعرضها لوعكة صحية: ودوني الورشة

قالت الفنانة رحمة أحمد " مربوحة " في مسلسل " الكبير أوي " أنها بدأت تتنفس الصعداء بعد إصابتها بوعكة صحية بعد الانتهاء من تصوير المسلسل .

وكشفت خلال لقاء عبر برنامج " كلمة أخيرة " الذي تقدمه الاعلامية لميس الحديدي على شاشة ON:مازحة : الحمد لله ودوني الورشة بعد ماتعبت " أكملت : "

وقت المسلسل لما عملته مافكرتش أني أتوقع اصلاً وركزت بس أعمل الشغل الي عليا واسيب الباقي على ربنا حتى فاجئني رد الفعل وكنت مرعوبة مش خايفة بس " .

وكشفت أنها تعرضت لنوبات بكاء أثناء تصوير المسلسل من شدة خوفها من عدم إتقان الدور قائلة : جات عليا فترات كنت بعيط كتير أوي من الرعب ورحت للمخرج المنفذ محمد خيري وقلتله أنا حاسة أني ممكن مقدرش أكمل المسلسل وكنت مضغوطة جداً ومرعوبة لان ده وضع مهم كانت خطوة جديدة ومهمة ولازم أستغلها مظبوط وكان لازم أستغلها بشكل كويس "

ورداً على سؤال الحديدي هل عرفكي الناس في الشارع الان قالت : أه بالفعل قبل كده أيام مسرحية أمين وشركاه كنت بعمل المسرحية وكان الناس مش بتاخد بالها وقتها تخيلت أن المسلسل هيكون كد ه برضه لكن ماحدث أني تفاجئت بالفعل بما حدث والناس عرفتني وكان أول حد قلي يامربوحة في الشارع قالوا مربوحة أهي وطلعت أجري "