السيسي: اقترحت على الإخوان تصورًا لتجاوز الأزمة

قال الرئيس عبد الفتاح السيسي: "3 يوليو يوم فارق في تاريخ مصر، والمنطقة والعالم، وربنا أراد أن الدنيا تتغير، والبلد كانت رايحة في سكة لن تعود منها، والنموذج اللى احنا بنتكلم عليه وكنا رايحين له موجود قدامنا ونجد الدول دي في حالة دمار وخراب ومفيش مستقبل، والدول دي عودتها أمر صعب جدا ومفيش استقرار ولا تنمية".

وأكد خلال لقائه بالإعلاميين خلال افتتاح مشروع القطار الكهربائي السريع: "القوات المسلحة هي أسطورة مصر تستند عليها في أي وقت، متابعا: اقترحت على الإخوان في 3 يوليو2013 تصورًا لتجاوز أزمة مصر وكان ردهم التهديد بالقتل".

وأضاف: "اللي احنا رايحين له واللى بنشوفه النهاردة ده جزء من خطة كبيرة للدولة في مجال النقل والبنية التحتية للنقل والمواصلات، وبنتكلم في تريليون و700 مليار بيتصرفوا على قطاع النقل والمواصلات".