نصائح للزوجات .. ياسمين عز تثير الجدل بفيديو جديد

ضجّة واسعة أثارتها الإعلامية المصرية ياسمين عز، بفيديو نصائح جديدة للزوجات عن معاملة الأزواج بطريقة صحيحة.

وقالت ياسمين عز في تعليق خلال برنامجها "كلام الناس"، الذي يعرض عبر قناة "إم بي سي مصر"، الجمعة: "ليه بتنادي على جوزك حاف، قولي لجوزك يا أستاذ، بلاش لو اسمه محمد تنادي وتقولي محما وتاكلي آخر حرف من اسمه، يعني ينفع لو اسمك سماح يقولك يا سما، هتعملي مشكلة وتقولي إنه بيخونك مع واحدة اسمها سما، قولي له أستاذ للتفخيم ومحمد للتنعيم الشتوي".

وأضافت: "لو جوزك مهندس لازم تحسسيه بالدفا والحنان، لأن حياته كلها مربعات ودواير ومستطيلات، ومحتاج يرتاح، قولي له الباشمهندس، وفخمي فيه قدام صحابك".

وأكملت: "سيبي لجوزك أكتر من رف، ورتبي دولابه، واهتموا بملاسبهم وسيبولهم رف في الدولاب عشان تاخدي حسنات، الرجالة حاسة بقهر بسبب موضوع الرف ده".

وواصلت "البنت قبل الجواز بتكون حاطة إيدها على الدولاب وضع يد، وأخوها الفرعون الصغير سايبه له شماعتين ورف، ولو كانت كريمة ممكن تسيب له رف صغير".

واختتمت: "واخدة 98% من الدولاب، وسايبه لأخوكي 2%، وأخوكي مقهور ومقموع، وميقدرش يتكلم ولا يفرد قمصانه كل واحد في شماعة، ما تدي لأخوكي شماعتين زيادة، ولا 5 رفوف ولا 3 أدراج مش هتموتي".