ياسمين عز تنصح الزوجات قبل لقاء الأهلي والزمالك… فيديو

قمة الأهلي والزمالك 125، هي حديث المصريين، في انتظار لقاء تاريخي بين الأهلي والزمالك في الدوري المصري، يبدأ مساء السبت 21 يناير.

وشاركت الإعلامية المثيرة للجدل ياسمين عز، بنصائح للأزواج قبل انطلاق قمة الأهلي والزمالك 125، داعية الزوجات لتحمل رجالهم خلال الـ 90 دقيقة المثيرة.

وقال إن الزوج الزمالكاوي: "عمره ما يخون مراته، لأن فيه وفاء وإخلاص مش هتلاقي زيهم أبدا"، موجهة حديثها للزوجات: "مهما عملتي يظل من الأوفياء".

وقالت في تعليق عبر برنامجها "كلام الناس"، عبر قناة "MBC مصر": "أقل كلمة تبسطه وتحسسه إنه شخص ملكي ومميز ومختلف، الزملكاوي رجل يعشق المتعة بصرف النظر عن النتيجة، مش مهم هيكون ترتيبه كام في آخر الرحلة المهم إنه يكون انبسط خلال الرحلة، الزوج الزملكاوي عمره ما يخونك، لأن فيه وفاء وإخلاص مش هتلاقي أبدًا، مهما عملتي يظل من الأوفياء".

وأضافت: "أما الزوج الأهلاوي أصيل وعمره ما يتخلى عنك في يوم مهما كنت مضايقاه ومنكدة عليه، واخد عهد على نفسه في الحلوة والمرة معاكي".

وتابعت ياسمين عز: "مش بيرضى غير بالمركز الأول فلازم تكوني بريمو في التعامل معاه، مش بيفرق معاه بتطبخي إيه وشكل السفرة عامل إزاي المهم إنه يكون شبعان على الآخر".

وتابعت: "الماتشات اللي من النوع ده بيكون لها طقوس خاصة في البيت، الأجواء بتكون مكهربة، لو اتصلتي بجوزك ومردش عليكي، متزعليش منه، لأنه بيكون في دنيا غير الدنيا".

وأكملت: "من فضلك حاولي تتفادي جوزك خلال اليومين دول، وبلاش تصدري له مشاكل أو تطلبي منه طلبات ملهاش لزمة اليومين دول بالذات".

واختتمت: "لو فريقه خسر، متبقيش إنتي والزمن وأصحابه اللي بيحفلوا عليه، إوعي تقربي منه على الأقل 3 أيام، ولو فريقه كسب، يا سعدك يا هناكي هتلاقيه اتحول للعفريت اللي في مصباح علاء الدين، اطلبي واتمني زي ما إنتي عايزه".