البلوجر هدير عاطف أمام النيابة: كنت بتواصل مع طليقي بالتليفون ومسجلاه باسم منى عشان أمي متعرفش| خاص

شغلت أزمة البلوجر هدير عاطف منصات التواصل الاجتماعي بعد القبض عليها وحبسها على ذمة التحقيقات منذ عام وحتى الآن، لاتهامها بالاستيلاء على أموال المواطنين والنصب عليهم بزعم استثمار أموالهم لتحقيق عوائد وأرباح مالية، بعد ترويجها عبر صفحتها الشخصية لجذب ضحاياها وتحصلت على أموالهم، وأوهمتهم بأرباح مالية نتيجة لاستثمار تلك الأموال في تجارة السيارات والعقارات، علاوة على تشغيلها في البورصة، بالاشتراك مع زوجها بلال، وشقيقة وزوجة شقيقه.


وواجه رجال التحقيق البلوجر هدير عاطف بمضمون تحويلات بنكية تم تحويلها على هاتف والدتها، وقالت: الفلوس دي اتحولت على الخطوط الخاصة بوالدتي من بعض العملاء، وأمي اسمها إيمان.ع، ودورها في الموضوع إني أنا كنت ببلغ والدتي أنه هيجلها تحويلات مالية وهي هتحولها على أرقام أنا هديهالها، وهي كانت عارفة إن الفلوس دي شغل بلال، ومقدار المبالغ المالية اللي تم تحويلها على موبايل والدتي كان حوالي 60 ألف جنيه، وهاجر اللي عارفة الناس اللي حولت الفلوس دي.

كما واجه رجال التحقيق البلوجر المتهمة بالنصب هدير عاطف، بمحادثات صوتية تم الحصول عليها من هاتفها المحمول، ومن هواتف باقي المتهمين، وأجابت: أنا فعلا قلت الكلام ده عشان كان بلال تعبان وحسيت الموضوع بدأ يعك فكنا عاوزين نشوف، وبلال اليوم ده كان تعبان وفيه ناس مكنتش قدرة إنها متاخدش أرباح وقلتلها تخلص الناس دي، والرقم ده بتاع بلال وأنا مسجلاه منى عشان لما اطلقنا وكنت خايفة من والدتي عشان تشوف إنه بيتصل بيا كتير، والموبايل ده هو بتاع بلال والمحادثة دي بيني وبين بلال.

وبمواجهة البلوجر هدير عاطف بالتحقيقات على أرقام هواتف محمول، قالت: دي الأرقام اللي بلال قالي ابعتها لوالدتي عشان تحول الفلوس عليها، وأنا مليش دعوة بالقصة دي بلال هو اللي مسئول.