يا صديق... بقلم : حنا عادل النجار

جوايا كلام كتير
فضلت سنيين مخبيه
قسوة وكسره من الغير
فضل القلب شايله جواه
وجفن العين مداريه
احباط من اقرب ناس ليك
والي فاكره سند
طلع حيطه من رمل
مع هبه اول ريح
كان اول واحد
كسر فيك وزل
دانا لسه فاكر
ضحكتك العاليه
الي حلفتلي انها مابتطلعش؟
غير للناس الغاليه
كان قلبي من قطن
وكان قلبك من شووك
بس كنت حلو لسان
وخلتني صدقت
ان اهلك عرفو يربوك
ينعل ابو دي صداقه
الي تصاحبني مصلحه
وتجبر تحبني مصلحه
وتضحك فوشي مصلحه
حب القلوب
وحب النفوس عمره ما بيتباع
ولا عمره مكان نشره اخبار
بين كل الناس بتتزاع
المحبه انك تحس بيا
مش وقت ضيق الدنيا بيا
خدودك تحمر من الضحك عليا
صداقه ايه الي بقي يتحط قدامها
نقطه نهايه.
المحبه انك تشوفني تايه فين
وتكون اول واحد راسملي البدايه
المحبه مش كلام يتقال فمجالس
ولا واحد خطه حلوة يكتبه
عنوان فموضوع تعبير
ف احد المدارس
الصداقه انك تكون لي
اخ قبل متكون صاحب
انك تكون لي طريق
علي رسمه صديق
يا صديقي عليت اصوات
الاجراس واصوات التكبير
تنادي بالمحبه
وانت مازلت تخدعني
انك اول الاحبه
يا صديق.. كن علي عهدك
وافي...وفي ضيقتي كن مع...
ع الطريق ..صافي.
يا صديق.