لـ يوم الثاني علي التوالي المخرجة كاملة أبو ذكرى تريند علي جوجل... أعرف السبب

تواصل المخرجة كاملة أبو ذكري تصدرها محركات البحث جوجل لليوم الثاني على التوالي عقب تصريحاتها في برنامج معكم الذي تقدمه الإعلامية مني الشاذلي يعرض على قناة cbc.

نعرض لكم الآن أبرز تصريحات كاملة أبو ذكرى :-

- انسحابي من مسلسل "زي الشمس" أحلى قرار أخدته في حياتي، كنت صورت أول 10 حلقات وحضرت كل ديكوات المسلسل والملابس حتى اللي صوروا فيها بعد كده.

- مكنتش عاوزة أهزق نفسي وعندي أقعد في البيت ولا أهزق نفسي.

- أنا مسبتش مسلسل "زي الشمس" أنا اضطريت اسيبه، وجودي كان مضايق ناس، قالولي اعتذري كان في تهديدات أن لو مش هتسمعي الكلام مش هتلاقي حد يشغلك وانتى مغضوب عليكي.

- حسيت أن المسلسل دا ميخصنيش ولا عاوزة اسمي يتكتب عليه، وعدى الوقت واتقابلت معاهم واتكلمنا، بس الحدوتة دي أثرت فيها.

- في ناس في المسلسل اتشرفت أني اتعاملت معاهم زي أحمد السعدني وريهام عبد الغفور.

ومسلسل "زي الشمس" بطولة دينا الشربيني، وأحمد ‏السعدني، وأحمد داود، وريهام عبد الغفور، وسوسن بدر وجمال سليمان وتأليف مريم ناعوم وإخراج سامح عبد العزيز‎ وتم عرضها في شهر رمضان ٢٠١٩م.