في عيد الأب.. بسمة وهبة: شكراً للرئيس السيسي ولكل أب تعب وربى وشقي

هنأت الإعلامية بسمة وهبة، كل المصريين بمناسبة عيد الأب، وقالت :"كل سنة وكل قصص الفخر اللى بيكتبها الأبناء عن أبنائهم تفضل موجودة ومستمرة بكل حب وفخر.. كل سنة وكل الآباء وهما طيبين، وفاهمين دورهم في الحفاظ على الأسرة وتربية أولادهم".

وقالت بسمة وهبة خلال برنامجها "90 دقيقة" المذاع على شاشة "المحور"، :"اسمحولى استغل المكان ده، وأقول لأبويا كل سنة وأنت طيب.. وعيد الأب ده فرصة كبيرة عشان نراجع ونفهم وندرك يعني إيه أب، ونكتشف إن التربية مش مجرد فلوس، وأن الأب الحقيقي اللى يقدر يبني شخصية أولاده وثقتهم في نفسهم ويوفرلهم حياة كريمة ويحافظ على استقرارهم ويبنى مستقبل جديد".

وتابعت: "فى عيد الأب اليوم ولام نقول للرئيس عبد الفتاح السيسي الأب.. كل سنة وأنت طيب.. صممت أقول كدا اليوم لأن الرئيس السيسي نجح أنه يقوم بدور الاب لملايين من الناس .. وخصوصًا ان الهدف الأساس المطلوب من الأب إن يخلى ولاده دائما واثقين من نفهسم، ووقت المنح والمصاعب لازم يرد ليهم ثقتهم بنفسهم..لو العالم كله شكك في أولاده هو يكون في ضهرهم وهذا ما قدمه الرئيس عبد الفتاح السيسي وسط حالة فقدان ثقة كان يعيشها المصريين.. حيث راهن على الشعب المصري ووعيهم ، وأعاد إليهم ثقتهم بأنفسهم بفضل ما قدمه للوطن من مشروعات وإنجازات"، معقبة:" شكراً للرئيس السيسي ولكل أب تعب وربى وشقي".