عمرو فريد يسرد كواليس مسلسل ” قصر النيل” مع احمد حاتم

نشر الفنان عمرو فريد عبر صفحته الشخصية بمواقع التواصل الاجتماعي فيس بوك صورة مع الفنان احمد حاتم بالإضافة إلي فيديو المشهد الذين قدموه معا في مسلسل " قصر النيل" ٠

وذكر الفنان عمرو " هذا المشهد احبه..
من فرط حساسيته...كدكتور نفسي بيكلم مريض نفسي ممكن يكون عادي لكن كممثل في دور دكتور نفسي بيكلم ممثل بيعيش في حاله مريض نفسي....منتهي الصعوبه اني افضل مثبتله الاحساس بوعي كامل بكل تفاصيل استرساله للحاله الاشعوريه من الالم والوجع رغم طبعا ان فيه قطعات للكاميرا واستوبات فنقف....ونرجع تاني نكمل بس نرجع لنفس الحاله في نفس مودها وحزنها ده قمه الصعوبه للممثل اللي هو احمد حاتم الجميل...وليا طبعا عشان انا لازم مفصلوش وأخليه ديما حاسس انه قدام دكتور نفسي بيكلمه بحساسيه شديده....لدرجه انه هو نفسه بعد المشهد قالي انت حافظت علي احساسي انه مايزوغش مني وسلمنا علي بعض بحب شديد...

واوضح فريد 
التمثيل موضوع كبير قوي الناس فاكرينه سهل لكن ده حاجه عظيمه جدا يمكن اعظم ما خلق الله من مواهب بشريه وأصعبها علي الاطلاق اي مواهب تانيه اسهل منه بشويه....
من مسلسل قصر النيل...رمضان ٢٠٢١..اخراج المبدع خالد مرعي...