مستثمرون مصريون يبدأون مقاضاة أثيوبيا دوليا فى خسائر تقدر ٧٠٠ مليون دولار
كشف المهندس علاء السقطي نائب رئيس اتحاد مستثمري مصر ورئيس المنطقة الصناعية المصرية بإثيوبيا، تفاصيل مقاضاة مستثمرون مصريون لإثيوبيا دوليًا بسبب خسائر تقدر بـ ٧٠٠ مليون دولار.
وقال السقطي، خلال مداخلة مع الدكتور معتز عبد الفتاح مقدم برنامج "تحت الشمس" عبر قناة "الشمس": "استثمار المصريين في إثيوبيا كان هدفه الرئيسي في البداية توصيل الصورة الحقيقية لمصر هناك، وهذا ما نجحنا به خلال السنوات الماضية بعد فترة قطيعة طويلة للغاية، أنا أفتكر أنه أيام سيادة الرئيس ما حرر الإثيوبيين في ليبيا وجابهم على مصر وطالعهم من هنا على إثيوبيا، ركبت مع سواق تاكسي قالي نصا إنه لو الرئيس بتاعكم جه رشح نفسه هنا هننتخبه".
تابع: "إحنا روحنا استثمرنا في ميكيلي عاصمة إقليم تيجراي لأنهم كانوا المتحكمين في الدولة، وقطعنا شوط جيد في صناعة الكهرباء والأثاث، وغطينا جزء من السوق الإثيوبي وصدرنا لبره، لحد ما حصلت الأزمة بين آبي أحمد والتيجراي وبدأ يقلص نفوذهم ويجردهم من مناصبهم بعد ما حكموا البلد لسنوات طويلة، والتيجراي مش بيسيبوا ثأرهم وبدأت حرب عصابات، وبالتالي رحلنا العمال والمهندسين بتوعنا من هناك ومصانعنا توقفت وأحد المصانع اتسرق، وكنا ملتزمين بأوامر تصدير لدول أخرى"
