رد صادم من بوسى على تصريحات والدها

انتشرت في الساعات الأخيرة على مواقع التواصل الإجتماعي فيديوهات لوالد الفنانة بوسى يهاجمها بعدم إعطائه المال، وهو لا يمتلك أى دخل لكبر سنه وعدم قدرته على العمل، كما أنه مريض ويعجز عن العمل.

قال والد الفنانة بوسي: بقالى سنين مشفتهاش ولا بتبعتلى فلوس، وهى عارفه انى تعبان ومريض وعاجز عن العمل، وقاعد فى شقة بمدينة الزقازيق، واخدم نفسي ولا أحد يعيش معى، ولما بتعب محدش بيعبرنى.

وردت الفنانة بوسى على كلام والدها قائلة: أنا اتولدت ومعرفش يعنى ايه أب، أمى إلى ربتنى وهى كانت والدى ووالدتى فى نفس الوقت، عمرى ما شفته ولا يعرف عنى حاجة ولا عمره صرف عليا جنيه، والدتى هى كانت كل حاجه ليا.

وأضافت الفنانة بوسى: انا ليا اخوات تانية مش معنى ملوش حديث غير عليا، ولما والدتى اتوفت كان فين حنانك ترجع لينا وتعيش معانا، عمرك ما سألت عليا غير علشان الفلوس وبس، تعرف ايه عن الحنان علشان تطالبنى بيه.

وتابعت الفنانة بوسى: كل مرة اديله فلوس ويطلع تانى على السوشيال يقول بنتى مبتدنيش فلوس ولا بتعبرنى، وقاعد فى الشقه لوحدى، ودى أصلا شقة والدتي وهو عايش فيها لوحده، أنا لو فعلا رمياه مكنتش سمحتله يعيش فى شقة والدتي.

وأردفت الفنانة بوسي: إلى ربنانى من صغرى هما اخوات والدتى، ووالدى ميعرفش عنى حاجه، وفى 5 بنات ووالدين غيرى كانوا عايشين معاه، ليه مبيطلبش منهم فلوس ويشهر بيهم زيى، أنا عارفه أن في ناس بتحاربنى هى إلى بتعطيه فلوس علشان يطلع يشهر بيا اني بنته ومبسألش عليه.

واختتمت الفنانة بوسى حديثها قائلة: لو فعلاً هو والدى وبيخاف عليا مكنتش طلع على السوشيال واتكلم عليا، الأب الحقيقى بيخاف على ولاده وبيضمهم ليه، مبيقعدش يفضحهم على السوشيال، وإلى عايز يصدق كلامه يصدق أنا مش هتكلم فى الموضوع ده تانى، ومش هقول غير ربنا يسامحه.