نائبة برلمانية تعلق على مشهد تدخينها فى مباراة مصر والكاميرون

تحدثت النائبة أميرة العادلي عن التقاط الكاميرات مشهد تدخينها أثناء مباراة مصر والكاميرون، في دور قبل النهائي من بطولة كأس الأمم الأفريقية.

وقالت النائبة عن تنسيقية شباب الأحزاب والسياسيين، في منشور عبر حسابها على موقع "فيسبوك"، "أيوة دي أنا.. ومش مضايقة ولا مهتمة بالموضوع".

وأضافت النائبة: "أنا بشرب سجاير ومن سنين بطلت أعدها ومش مخبية ده أصلا.. ومش هابطل السجاير وأكون إنسان جديد عشان أنا بحب أدخن.. عادة صحية سيئة بس بحبها.. زي اللي بيحب الأكل الدسم كده بيتخن وغلط علي الصحة بس بيحبه".

وتابعت: "ببساطة مواطن مصري زملكاوي بيشجع كورة من الطفولة وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولى.. بيفرح ويعيط ويتعصب ويزعق ويطنط ويهتف ويغني وبيأكل ويشرب ويدخن سجابر عادي جدا.. ومعلوماتي إن علب السجاير مكتوب عليها لا تباع لأقل من 18سنة.. بغض النظر عن نوعه أو شغلنته أو ديانته.. والتدخين ضار جدا بالصحة ومانصحش حد يدخن ..غير كده. انا بدخن و بحب أدخن ..وانا حرة في عالم حر".

وأضافت: "فا نفكنا بقى من الكلام الأهبل ده.. ونشجع منتخبنا يوم الأحد، وإن شاء الله الأبطال يرجعوا بالتامنة ويفرحوا مصر كلها".