حمادة هلال ينصح حمو بيكا نصيحة العمر
أكد الفنان حمادة هلال، أنه لم ينفذ "دويتو"، مع مطرب المهرجانات حمو بيكا.
حمو بيكا وحمادة هلال
وقال الفنان حمادة هلال، خلال حوار ببرنامج "حبر سري" مع الاعلامية اسما ابراهيم، على قناة "القاهرة والناس"،: "أنا وحمو بيكا مش هنعمل دويتو ودي مش حقيقة، وهو دمه زي العسل وأنا بعشق خفة دم حمو بيكا وتلقائيته وهو في مرة قال فى فيديو في دويتو بينا وهو كلمني ولكن محصلش".
وعلق على رأيه في عمل دويتو مع حمو بيكا قائلا: "أنا اعمل دويتو مع أي حد ولكن يهمني ايه هي الغنوة اللي هعملها وتكون مستمرة بشكل كويس وراقية طالما الغنوة لائقة واحنا فى الاخر بشر".
نصيحة حمادة هلال لـ حمو بيكا
ووجه الفنان حمادة هلال، رسالة إلى المطرب الشعبي حمو بيكا قائلا: "بقول حمو بيكا لو مثل وركز في التمثيل هيكون تلقائي وربنا هيكرمه فى التمثيل جدا، ويمثل ويعمل اغاني مع بعض، وعنده تلقائية تعيد لى تلقائية طلعت زكريا مع الفرق".
