أنت مالك باخد كام.. عمرو أديب يهاجم مرتضى منصور…فيديو

سخر الإعلامي عمرو أديب من تصريحات المستشار مرتضى منصور رئيس نادي الزمالك، والتي قال فيها إن أديب يتقاضى مرتبا في الشهر 3 ملايين دولار، قائلا: محمد صلاح عايز يزود مرتبه ويبقى في الشهر 2.5 مليون دولار، فيبقى ليَّ الفخر يا سادة أن اخد أكتر من ميسي ورونالدو والعقد الجديد لمو صلاح ومبابي.

وتابع خلال برنامج "الحكاية" المذاع على قناة "إم بي سي مصر": مرتضى منصور مش طايقني ودا عادي، بس الغريب أن فيه ناس كتير بتقول لك عمرو أديب بياخد 3 ملايين دولار في الشهر يا ريت أنا مستعد أقبض 3 ملايين دولار في شهرين واقعد في البيت ومحدش هيشوفني تاني.

وأضاف: فيه حد يعقل الكلام ده، ومرتضى منصور بيقول أيوا بياخد 3 ملايين دولار في الشهر وضحكة كده، وده نفسه طبعًا الخطاب الجليل اللي اتكلم فيه إن فيه لعيبة في الزمالك تعرف بنات والراجل طبعا صادق جدًّا على طول.

واستكمل: دلوقتي محمد صلاح هيجي يقول لإدارة ليفربول إشمعنا عمرو أديب بياخد 3 ملايين دولار في الشهر إيه يعني لما أزيد واخد 2.5 مليون دولار، وبعدين باخد 3 أو 10 مليون دولار أنت مالك يا مرتضى؟، واوزن يا ابني الكلام أنت ما بقتش تعرف توزن الكلام خلاص.