اابنة أحمد راتب تنتقد زفاف بسنت شوقي ومحمد فراج

انتقدت لمياء راتب، ابنة الفنان الراحل أحمد راتب، مراسم احتفال الفنان محمد فراج والفنانة بسنت شوقي بزفافهما، والذي تم أول أمس، وخاصة المشهد الخاص بوعود فراج لبسنت.

جاء ذلك عبر صفحتها الشخصية، على موقع التواصل الاجتماعي فيسبوك.

ابنة أحمد راتب

وقالت راتب: "غريبة قوي فكرة إن الفرح شبه أفراح الأجانب بالظبط و وقفتهم قدام بعض و الراجل اللي ف وسطهم كأنه قسيس بيجوزهم زي ما بنشوف ف الأفلام!!!! و i do و كدة !!".

وأضافت: "ليه؟ ليه بقينا كارهين كل حاجة شبهنا و عندنا إصرار نقلد تقليد أعمى ملوش علاقة بينا!!!!! عقدة الخواجة اللي مدمرة هويتنا طول الوقت".

زفاف بسنت شوقي ومحمد فراج

يشار إلي أن الثنائي محمد فراج وبسنت شوقي، قد تصدرا ترند مواقع التواصل الاجتماعي بعد احتفالهما بحفل زفافهما أول أمس الجمعة وتفاعل الجمهور بشكل كبير معهما.

وأكثر اللقطات التي لفتت انتباه الجمهور هي لقطة الوعود والشكر من فراج لبسنت.

وقال خلال هذه اللقطة: أنا ممكن أتكلم عليكي وقت طويل أوي، بس طبعا مش هينفع أقول كل اللي جوايا دلوقتي، أهم حاجة قبل بحبك إني بشكرك على صبرك وعلى قلبك اللي طاوع مشاعرك وإنه تغلب على عقلك عشان نكمل مع بعض.