صفوت غطاس: سعاد حسني اتقتلت (فيديو)

قال المنتج صفوت غطاس: بعد وصول جثمان الفنانة الراحلة سعاد حسني مصر، ذهبت أنا والفنان الراحل سمير صبري وصورنا مع نادية يسري اللى كانت عايشة معاها في شقة لندن.

وتابع: "عملنا أكثر من مقابلة مع نادية يسري في مصر وخارج مصر، وكنا بنصور معاها علشان نوثق حاجة مش قصة تصوير برنامج، وكل ما بنعمل معاها مقابلة كنت بصور وأنا بخرج وأصور أن سمير صبري يعيد عليها نفس السؤال وفي كل مرة كانت بتجاوب إجابة مختلفة، وبعدين قررنا نسافر لندن نشوف ايه الحكاية، وصورنا حوالي 40 ساعة اللى اخدنا منهم الـ6 ساعات في برنامج سمير صبري عن سلسلة تحقيقات وفاة سعاد حسني".

وأكمل: "عملنا لقاءات كتير في باريس ولندن عن كشف لغز وفاة سعاد حسني، وفي كل مرة بيحكوا على حاجة ولما بنتأكد منها بنلاقي حاجة تانية".

وأشار: "نادية يسري لغز كانت قالت إن سعاد حسني جاءت يوم الإثنين من المصحة واحنا لما رحنا من مكتب التاكسيات اللي جابها حسب الكومبيوتر كانت جت يوم الأربعاء وكان فيه تضاربات كتير جدًّا".

وأوضح: "مستهدف التحقيقات مش علشان نكسب ولكن علشان نعرف سعاد حسني اتقتلت ولا انتحرت، واحنا مقتنعين إن سعاد حسني اتقتلت ومش منطقي إنها اختل بيها التوازن ووقعت لوحدها".