تعليق صادم من علا رامي بعد انفصالها عن أبو الليف

تحدثت الفنانة علا رامي عن علاقتها بطليقها الفنان نادر أبو الليف، وقالت، إنها انفصلت عنه بسبب الجمهور: الناس فرقت ما بينا، عشان شايفين إننا لا نشبه بعض، الناس كانت تقول إحنا بنحبك لوحدك وبنحب أبو الليف لوحده، مش السوشيال ميديا هي اللي اتحكمت إذا كنا نكمل ولا لأ، احنا سيبنا بعض عشان في تراكمات كتير حاجات بسيطة على حاجات بسيطة فبقت مشكله كبيرة، فقولنا كل واحد يروح لحاله أحسن.

وأوضحت “رامي” خلال لقائها في برنامج “قعدة ستات” المذاع على شاشة “القاهرة اليوم”: بنسأل على بعض لغايه دلوقتي وبنتكلم، وباركتله على جوازه وأطفاله، وربنا يوفقه في حياته.

وتابعت: أمنح فرصة واتنين وتلاتة وعشرة وبكون استنفذت كل وسائل الصلح، وكان ظاهر أمام الناس أني بغير عليه، ولكن الحقيقة ليست كذلك، هو كان لسه صاعد وعنده حفلات، وفي الآخر ربنا يوفقه.