تفاصيل جديدة في قضية الفعل الفاضح على طريق المحور

كشفت التحقيقات في القضية رقم 13218 جنح كرداسة والمعروفة إعلاميا بـ قضية الفعل الفاضح على طريق المحور تفاصيل جديدة، وذلك بعد انتشار فيديو لشابين و3 فتيات يستقلون سيارة ملاكي، وصورهم أثناء ممارستهم فعلًا فاضحًا في الطريق العام وحدثت مشاجرة بينهم وتعدوا على بعضهم البعض.

اعترافات أحد المتهمين في قضية الفعل الفاضح على طريق المحور
س: متى وأين حدث ذلك ؟
ج: الكلام ده حصل يوم الخميس الموافق ٢-١٠-٢٠٢٥ الساعة ٧:١٥ صباحا بطريق محور ٢٦ يوليو
متجها للشيخ زايد - دائرة مركز شرطة كرداسة.

س: ما سبب ومناسبة تواجدك بالزمان والمكان سالفي الذكر؟
ج: أنا كنت سهران مع أصحابي في ملهى ليلي اسمه الذهبية - العجوزة

س: وما هي علاقتك بكل من سالفي الذكر على وجه التحديد؟
ج: ه ع - صحبتي من حوالي ست شهور وكنا بنحب بعض وكنا مقررين تتجوز، والمدعو ح ا - ده صاحبي من زمان، وكل من س م، ش ر، أصحاب - ه ع- وكنت أعرفهم من خلالها، وخرجت قبل كده أنا وهما مع بعض.

س: وأين يقع ذاك الملهى الليلي الذي قضيتم فيه سهرتكم آنذاك؟
ج: الملهى الليلي اسمه الذهبية وهو موجود في العجوزة وهو عبارة عن مركب في النيل.

س: وهل تناولتم ثمة مشروبات كحولية أو تعاطيتم ثمة مواد مخدرة آنذاك ؟
ج: لا مشربناش حاجه خالص.

س: وما هي وجهتكم تحديدا عقب ذلك؟
ج: إحنا ركبنا العربية بتاعتي وطلعنا ناحية البنزينة اللى في وصلة دهشور علشان نشرب حاجة علشان نفوق.

س: ما هي وسيلة انتقالكم علي وجه التحديد ؟
ج: إحنا رحنا بالعربية بتاعتي.