حنا عادل النجار يكتب: وحشتني كل حاجة...
وحشتني كل حاجه
حتي السذاجه فالكلام
نظره عينيكي
سلام ايديكي
حتي النص ضحكه
اثناء الكلام
حتي لفك ودورانك
ع فكره ببقي فاهمك
وحشتني التلاميح
والكلام الطاير مابينا
ع هيئه تلاقيح
وحشتني شويه العصبيه
وطيبه القلب المستخبيه
وحشتني ضربات قلبي
الي بتزيد
وحشني حتي شكل لبسك
الي بستناه كل عيد
وحشني كلامك الباهت
الي مبيعجبنيش
وبعمل نفسي مبسوط
وساكت.
انتي الماضي والحاضر
انتي الغائب الحاضر حرفيا
انتي الضحكه الي بضحكها
فعز قسوة الايام
انتي ياستي
الي خلصت فيكي
كل الكلام.
