السيسى: ”رجال الأعمال اللي عاوزين يستثمروا في سيناء أنا خلصت مشروعات الإستزراع السمكي هناك”
تحدث الرئيس عبدالفتاح السيسي عن مشروعات الاستزراع السمكي قائلا: "اللي أنتو شايفينه ده كله من مشروعات سمكية خلص.. والمشروعات دي بتتعمل طبقا للمواصفات العالمية.. مش مجرد حوض بيطلع سمك غير صحي.. بيتعمل كلام كتير أوي محطات معالجة وترمباط رفع".
اقرأ المزيد.. رئيس قضايا الدولة يقدم التهنئة لرئيس الجمهورية بحلول شهر رمضان
وأضاف الرئيس خلال حديثه بحفل افتتاحه محطة معالجة مياه الصرف في المحسمة بالإسماعيلية: "رجال الأعمال اللي عاوزين يستثمروا في سيناء.. أنا خلصت مشروعات الإستزراع السمكي هناك.. تعالوا خشوا معانا وديروا واستغلوا 5300 حوض جاهزين للشغل.. أنا قولت الكلام ده في بركة غليون ومحدش جه.. قولته في مشروعات الصوب الزراعية ومحدش جه وبقوله دلوقتي وأتمنى حد ييجي".
وتابع الرئيس: "بتتكلموا عن سيناء وعاوزينها تتعمر؟.. كويس.. عملنا المشروع أهو من 3 سنين وشوية وتكلفته خلاص واقع موجود والأحواض موجودة والمفرخ موجود ومصنع العلف المطلوب لها كل شئ موجود وحاجة على أرقى مستوى.. مش هعرضها للإستثمار أحنا خلصنا بس حد ييجي".
