تعرف على المهندسة رانيا الغباشى اللى شرفت مصر فى العالم كله

المهندسة رانيا الغباشي بنت مصرية  عندها ٢٨ سنة خريجة كلية هندسة جامعة المنوفية .. كلية حكومية زي أغلب اولاد البلد دي .. يعني مش خريجة هارفارد ، ولا إكسفورد ، ولا كمبردچ  .. 

 المهندسة "رانيا" فازت بـ جايزة عالمية مهمة اسمها جايزة "ستيفي" في مجال الهندسة الميكانيكة للسيدات بعد منافسة مع 1500 مهندسة من 33 دولة في العالم ، وبكده تبقى أول وأصغر مهندسة ميكانيكية أفريقية وعربية ومصرية تفوز بالجايزة دي .

بعد ما لجنة التحكيم شافو مشروعها قالوا عنها (طاقتها الملهمة وتصميمها جعلتها مثال عظيم لجميع النساء)  متخيلين الجمال 

 رانيا الغباشي نموذج عبقري يحسسك قد إيه شباب وبنات البلد دي دايماً فيهم أمل ومخهم ألماظ، ولما بياخدوا فرصة بينوروا، ولما بيحطوا حاجة في راسهم بيعملوها