ميمي  جمال تروي  تفاصيل واسرار حياتها : إبتعدت   الفن  اثناء إصابة والدتي بالزهايمر   وإعتذرت عن ” راجل وست ستات ” ورجعت العربون 

أجابت  الفنانة القديرة ميمي جمال على سؤال الاعلامية لميس الحديدي  الذي وجهته  لها  :" إزاي قدرتي   تبعدي عن الفن رغم كل هذا الحب له ؟ قائلة : " أنا بعدت عن الفن مرتين   ومكنش إعتزال وقتها   مرة عندما مرضت والدتي وأصيبت بالزهايمر  وكانت لاتستطيع  أن تخدم نفسها   .. في الوقت ده ضاع مني شغل   كتير بس كان برضا مني عشان أخدم والدتي   فعلى سبيل المثال زي مسلسل " راجل وست ستات   " كنت المفروض هقوم  بدور الام  مكان الراحلة الفنانة زيزي مصطفى  وبالفعل وقتها إتفقت  على الدور وأخدت العربون لكن لما رجعت   البيت  كانت أمي قاعدة فجأة قلتلي  وانا قاعدة معاها : أمال فين ميمي  ؟ رديت عليها وقلت :   ميمي  جاية  في الطريق ؟  قلالت أمي : طيب لو سمحتي لما تيجي قوليلي  عشان اصحى   ...  هذا المشهد  دفعني للاعتذار وايقنت وقتها أن ماينفعش اسيبها   لوحدها في البيت  فإعتذرت عن العمل  ورجعت  العربون  ..  لان ماينفعش اجيب  حد ياخد باله من أمي ".
تابعت قي لقاء خلال  برنامج " كلمة أخيرة  " الذي تقدمه الاعلامية لميس الحديدي على شاشة " ON" قائلة :" المرة الثانية تركت الفن بعد رحيل زوجي   الحاج حسن   الي لسه بتأثر   برحيله لحد دلوقتي  لانو جوزي الوحيد  الي عشت معاه من سنة 1966  وخلفت منه بنتين ".
وكشفت في لقائها أنها لم نتجب في  بداية زواجها لمدة عام ونصف   برغبتها خشية عدم تمكنها  من الطلاق لايمانها   أنه إذا أنجبت  فعليها أن تبقى مع زوجها لانه سيكون المسؤول عن تسليم بناتها لازواجهم   قائلة : " لما تطمنت  أنو راجل طيب وحنين  وعطوف وكل الصفات  الحلوة فيه   قررت الانجاب   وجبت بنتين نورا ونجلا   "
 إستطردت : " لما الراجل ده   الي عشت معاه العمر ده كله يمرض   اسيبه وأنزل أمثل  لاطبعاً   ؟   قعدت جمبه في المستشفى هوا في غرفة الرعاية المركزة  أخدت  اوضه  جمبه ورفضت اني أقعد في البيت واجي في معاد الزيارة   ومكثت معه 28  يوم تحت رجليه   ".
كاشفة  ان أخر شيء   أخبرها  به الفنان الراحل  قبيل وفاته اثناء مكوثها معه في المستشفى  قال له عندما نظر إليها ووجدها تضع يدها على خدها  فقال لي : ياميمي  نزلي إيديكي من على خدك   إبقي حطيها بعدين قلت له : ليه بتقول كده ؟  فرد : وقلي بلاش ده .. وطلب  مني شرب الماء   جبتله  الميه وشرب  وحط دماغه ومات وأنا سقيته أخر بق ميه  في حياته ".
واصلت : " بعد كل العمر   ده ولاننا كنا متفقين على إنجاح هذه الزيجة  حتى لو إتخانقنا ".
وكشفت  أنه في بداية زواجها    إختلفت  معه  ووصل الامر إلى الطلاق بسبب  غيرته علي  لرفضه  إرتدائي السواريه " المكشوف " على المسرح ووعدته  بعدم فعل ذلك وعندما شاهدني أرتدي  السوارية مجدداً  غضب  والقى يمين  الطلاق قائلة :  " ألقى يمين الطلاق بالبق   كده وعندما حل المساء وكنت فاكرة أنو كلام في وقت غضب قلي  لا إنتي دلوقتي محرمة عليا زي أمي وأختي .. ومن وقتها   سمعت الكلام وبقيت بحط " شال " على اي فستان سواريه   بلبسه على المسرح  "