جريدة الديار
الخميس 28 مارس 2024 12:19 مـ 18 رمضان 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع
التنمية المحلية تتابع تحسين مستوي الخدمات وتنفيذ مشروعات خدمية وتنموية بالمحافظات .. ”الدقهلية” ضبط ٨٨٦ كجم لحوم وكبده ودواجن مخالفة وغير صالحة بحملات تفتيشية بمراكز محافظة الشرقية رئيس جامعة القاهرة يصدر قرارًا بترقية 75 عضو هيئة تدريس في 18 كلية التنمية المحلية تتابع تنفيذ ”مشروعك” وتوفير رؤوس الأموال وفرص عمل للشباب بالمحافظات .. ”اسيوط” مواصلة تفقد وكيل التعليم بدمياط لسير العملية التعليمية بمدارس دمياط الجديدة وزير الشباب والرياضة يشارك ذوي الهمم بمراكز التخاطب في إفطار جماعي احتفالاً بيوم زايد الإنساني المجلس التنفيذي لليونسكو يصدر قرارا بدعم الدول أعضاء المنظمة لمبادرة AWARe لتقديم المساعدة الفنية للدول الأكثر تأثرا من ظروف الشح المائي وتغير... وكيل مديرية تعليم الدقهلية” تفقد سير العملية التعليمية بإداراتى ميت غمر وأجا” المحافظ ورئيس حزب الوفد في إفطار الحزب بميت فارس محاولات تحفيز وخصومات مختلفة من شركة بيبسي بعد مقاطعتها في مصر مدير التعليم الفني تفقد مدارس إدارة غرب المنصورة التعليمية البحوث الفلكية: الأربعاء 10 أبريل أول أيام عيد الفطر المبارك

فريد شوقي يكشف سر إجادته دور البخيل في مسلسل تلفزيوني

فريد شوقي فنان قدير قدم عشرات الاعمال الفنية في السينما والمسرح و الاذاعة والتلفزيون ولقب بملك الترسو.اهتم في اعماله بتقديم قضايا و هموم  المواطن المصري،واجاد تجسيد دور الانسان البخيل بشكل رائع في المسلسل التلفزيوني بعنوان "البخيل وأنا" من بطولته مع كريمة مختار ووائل نور وحنان شوقي ومحمد هنيدي في بداياته الفنية.

فريد شوقي اجاد تجسيد شخصية البخيل لدرجة ان المشاهدين اعتقدو ان الفنان فريد شوقي بخيل في الواقع وهو ما نفاه خلال استضافته في احد البرامج التلفزيونية وكشف عن سر اجادته لدور البخيل في المسلسل.

فريد شوقي في مسلسل البخيل وانا

المذيعة وجهت سؤال للفنان فريد شوقي وقالت : الملك فريد شوقي هل سهل انه يحط ايده جوا جيبه ويطلع فلوس ؟

رد عليها الفنان فريد شوقي وقال : ده باستمرار ده انا بيقولوا عليا ايدي مخرومة ، اكره البخل جدا واذا كنت عملت دور البخيل ده باتقان عملته لاني كنت متغاظ من نماذج البخل اللي شفتها في الناس المحيطة بيا لاني مهما كنت مؤلف كويس وكتبت "البخيل وانا" مش ممكن هوصل للتفاصيل اللي طلعت الا لولا اني شفت النماذج دي بعيني وازاي طريقتهم في الفلوس وازاي بيستعملوها.

 يعني مشهد الحلاقة ده كنت أشوف جوز خالتي يحلق لابنه فخالتي تقوله "ليه كده ما يروح للحلاق ؟!" ، يقولها "لأ مش مسألة فلوس ، مسألة ان المقص يتنقل من قفا ده لقفا ده فابني يتعدي" وكان يعرف يدافع وعنده حجة .. فيه مشهد نسيت أكتبه في المسلسل ان جوز خالتي ده مرة اشترى خروف العيد من باب الخلق وعاوز يوديه للمطرية فلازم يركب قطر فراح اشترى بقرش ساغ برسيم ومشي قدام الخروف وهو يقول "ماااء" عشان الخروف يقول وراه "ماااء" فيعرف انه لسه عايش.

يكمل الفنان فريد شوقي ويقول :شفت كمان طريقة عده للفلوس انه يخبيها وهو بيعدها مش ممكن البخيل يطلع فلوس قدامك كده ابدا استحالة ، جربتها في ناس بتعمل معايا إلى الان وكان فيه مخرج الله يرحمه مات كنت لما اديله فلوس يبص حواليه ويقولي "مش قدام الناس تعالى في أوضة المكتب" ، اديله الفلوس في المكتب ياخدهم وانا عارف انه هيعدهم ورايا ويروح راكن الفلوس الجديدة لوحدها والقديمة لوحدها.

 سالته المذيعة : ايه الحكمة ؟!

 يجيب فريد شوقي : الحكمة ان الجديدة يوديها البنك ، القديمة يخليها عنده يعني ال20 جينه الجديدة دي بالنسبة له هتعيش أكتر .. المخرج ده كان عنده 3 حصالات واحدة للشلن وواحدة للنص ريال وواحدة للريال الفضة ، فييجي في الليل يحط الفلوس فيها تعمل تِك يتبسط ويقولي كأني بسمع موسيقى ويمسك الحصالة يهزها تعمل تن تن تن يقول الله ، اما اذا معملتش صوت يفهم انها اتملت فينزل يوديها البنك تاني يوم.