مي سليم تكشف أسباب فشل زيجتيها

كشفت الفنانة مي سليم ، عن عدم توفيقها في الزواج، موضحة أنه هذا قد يرجع ربما لعدة أسباب.

جاء هذا ردًا على سؤال الإعلامية لميس الحديدي الذي وجهته له: "أنتي جميلة لية حظك مش حلو مع الرجالة؟"، لترد قائلة: "مش عايزة أقول حظي مش حلو، ويمكن عشان كنت صغيرة عشان كده الاختيارات مكنتش مظبوطة أو قدر أو مكتوب عند ربنا، وأنا مكنتش موفقة فعليا في تجارب الزواج، وبسأل نفسي دائماً ليه مكنتش موفقة؟، والوحدة في المسئولية صعبة جداً، وأنا شايلة كل حاجة ويمكن ده حصل وأنا صغيرة جداً".
تابعت في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON قائلة: وأنجبت ولذلك شلت المسؤولية بدري وعشان كده الشغل أمر مهم لانه مصدر دخل لي عشان كده فضلت فترة طويلة فقط حياتي عبارة عن بيت وبنتي ومسئولية والحمد لله أحوالي المادية بقت أفض ".

وحول انتوائها للزواج مججدداً قالت: أنا دلوقتي نضجت أكتر وبقيت واعية وعشان كده مافيش وقت للغلط تاني وده نصيب من عند ربنا وبعد كده لازم أفكر كويس أوي عشان أنا دلوقتي معايا طفلة ولازم الي هيكون موجود في حياتي يحب بنتي جداً بشكل حقيقي".

وعن أخطائها في الزواج : "مش شرط الانفصال حصل عشان حد فينا وحش لكن إختلاف طبائع وتركيبة شخصيات زواجي الأول استمر سنة والزواج الثاني كان أسبوعين.. وده نصيب وكان قرارنا إحنا الاتنين".

وذكرت أنا غضبت من طليقها الثاني بسبب كتابته تدوينة عنها في أعقاب الطلاق وذلك من أجل الحفاظ على الخصوصية وهذا طبيعي لدى كل إنسان مهما كانت مهنته".

وعن مواصفات عريسها القادم قالت مي سليم : " يبقى بيراعي ربنا في كل التصرفات وخايف عليا وبيحبني بجد.. وأكتر حاجة تزعجني من الراجل إنه يهين الست أو يبقى حاسس إنه تملكك وفيه فرق بين الراجل اللي بيحبك واللي عايز يقضي على كل حاجة حلوة فيكي".

وكشفت سليم أن إتجاها للغناء منذ البداية لم يكن رغبة ملحة لها بل رغبت في التمثيل والعكس صحيح أن شقيقتها ميس حمدان كانت هي من ترغب في إمتهان الغناء قائلة : " مكنتش عايزة أغني وأختي ميس مكانتش عايزة تمثل، و"ميس" بدأت بالتمثيل، وأنا بدأت بالغنا ".

وذكرت أن فرص الجواز للفنانات أقل، بسبب خوف الكثيرين من الاقتراب من مجتمع الفنانات قائلة : " فيه رجالة بتحب الارتباط بالفنانات وبيفتخروا بزوجاتهم لكن فيه ناس تانية من الرجالة يشعرون بالغيرة من زوجاتهن ويسعون لهدم الفنانة وفيه ناس تانية بتفكرنا تنكين وإحنا والله العظيم مش تنكين .

أبدت مي سليم إعجابها بأغنية " الغزالة رايقة " قائلة: "أكتر حاجة عجبتني في الفترة الاخيرة وهمل أغاني سينجل الفترة القادمة بس مش البومات".