عبد الرحيم كمال: رأيت إنسانية سمير صبرى مع عامل الأسانسير
نشر الكاتب الكبير عبد الرحيم كمال منشورا عبر صفحته الشخصية على موقع التواصل الاجتماعي فيسبوك يتحدث فيه عن موقف حدث من الفنان سمير صبرى مع عامل الاسانسير بالتليفزيون المصري من عشرين عام.
وقال كمال: الاستاذ سمير صبري راجل فنان شامل ومقدم برامج ملوش نظير وحكاء وعنده حكايات فنية لا تنتهي وممثل ونجم ومنتج سيمائي وصديق لأهم نجوم الستينات والسبعينات والثمانينات والتسعينات ونجم استعراضي ،ربنا بشفيه ويعافيه ويديله الصحة.
وتابع حاكيا: كنت في التليفزيون المصري من حوالي عشرين سنة في الاسانسير انا وهو والراجل الكبير اللي بيطلعنا في الاسانسير ويسجل كل واحد طالع انهي دور ، الراجل ده ابتسم في صمت لسمير صبري اللي ابتسمله في طيبة وحنان وطلع من جيبه كبشة فلوس ورقية كتيرة ، تعمل مبلغ كبير ومحترم جدا في وقتها وحطها في جيب عامل الاسانسير، عمل كده بسرعة وأدب شديد، وخرج من الاسانسير وأنا باتابعه مكنش فيه غيري وغير الراجل في الاسانسير اللي عيونه كان كلها سعادة وامتنان .
يذكر أن الفنان سمير صبرى سيجرى عملية جراحية دقيقة بالقلب خلال الأيام المقبلة نظرا لتعرضه لوعكة صحية شديدة.
