عمر كمال يدافع عن كوكسال بابا بعد زيارته لمصر
نشر مطرب المهرجانات عمر كمال عبر صفحته الشخصية على موقع التواصل الاجتماعي "فيسبوك" منشورًا يدافع فيه عن صانع المحتوى الكوميدي علي مواقع التواصل الاجتماعي كوكسال بابا بعد الانتقادات التي وجهت إليه بعد زيارته الأخيرة لمصر.
وقال عمر خلال المنشور: "الناس ظالمة الراجل العسل ده، ده راجل ربنا اصطفاه انه يعيش عنده مرض نادر واللى زيه بيموتوا عند سن معين بس هو ربنا اختاره يعيش، ومر بظروف سيئة من فقر وموت أب و أم، وكمان عقله وقف نموه وفهمه عن سن معين، فا راجل بعقل طفل".
وتابع قائلا: "صورت معاه ٧ أيام فى تركيا ولاحظت إنه بيخاف جدا من الزحمة، ومبيحبش إطلاقا التصوير ولا الكاميرا إلا لو واخد عليك ويعرفك ومش بيفهم لا عربى ولا إنجليزى ولا أى لغة غير تركى بس وده بيخليه متنرفز عشان مش فاهم اللى قدامه بيقوله إيه، كمان عشان هو ف تفكير الطفل الصغير، متضمنش رد فعله لانه مش واعى وطبيعى للى بيعمله، هو مشهور بالنرفزة وطريقة كلامه و المشية بتاعته ورد فعله العصبى، فا محدش ياخد على رد فعله ويحاسبه عليه، كأنك بتتعامل مع طفل صغير أكيد مش هتزعل منه".
وكان عمر كمال قد طرح في منتصف شهر فبراير مهرجان البنات الذي يجمعه مع كوكسال بابا والمصور علي طريقة الفيديو كليب علي موقع الفيديوهات الشهير يوتيوب.
