ميريهان حسين من أمام الكعبة: كل من عليها فان

نشرت الفنانة الشابة ميريهان حسين صورة لها من أمام الكعبة أثناء تأديتها مراسم العمرة وذلك عبر صفحتها الشخصية على موقع التواصل الاجتماعي انستجرام.

وعلقت ميريهان قائلة: مع إن الصورة دي من أحب الصور لقلبي اترددت انزلها أولا خفت أن ده ياثر على ثواب حاجة بيني وبين ربن العالمين، ثانياً عارفه أن في ناس سطحية هيكتبوا كومنتات كلها ايه ياطاهرة ايه ياست الشيخه، ويعملوا نفسهم أنهم مبيغلطوش ابدا وجايين يحكموا على ناس زيهم أحكام هبله وخلاص وهما ميعرفوش اللي بينك وبين ربنا ولا عمرهم هيعرفوا.

وتابعت: بس قولت لا مش همشي ورا الفكر ده وهنزل صورتي اللي بحبها علشان فيها ذكرى وجودة في اطهر بقاع الأرض وانا ضيفه في بيت الله الحرام وبحتفل فيها بنعمه من أكبر النعم هي نعمة إن ليه رب عظيم أسمه الكريم اللي ممكن اطلب منه أي شئ ومفيش حاجة كبيرة عليه إنما أمره إذا أراد شيئاً أن يقول له كن فيكون.

واستطردت مريهان: نعمة وجود ربنا في حياتنا اكبر من كل النعم، أنا حقيقي معرفش ازاي في ناس بتلحد وتنكر وجود ربنا والعياذ بالله وفي منهم أصحاب ليا وناس بقابلهم ومع حبي ليهم بس بقولهم فايتكوا أعظم حاجة في الوجود أن يبقي ليه رب قادر علي تحقيق كل اللي يتمناه قلبك ويسرح فيه خيالك رب اكبر من كل كبير هو الامان في الدنيا دي وكل من عليها فان.

يذكر أن الفنانة الشابة ميريهان حسين كانت متواجدة في المملكة العربية السعودية في الفترة بين ١٠ مارس إلي ١٣ مارس لعرض مسرحية يا ألعب يا أغلس في أول عرض مسرحي لها وذلك في موسم الرياض علي مسرح محمد العلي.