هند سعيد صالح عن عهدي صادق: ابويا مات تاني النهاردة

نشرت هند سعيد صالح ابنه الفنان الراحل سعيد صالح صورة تجمعها بالفنان الراحل عهدي صادق منذ طفولتها واصفه علاقتها بيه عبر صفحتها الشخصية علي موقع التواصل الاجتماعي فيسبوك.

وقالت هند خلال المنشور: من يوم ما فتحت عينى على الدنيا ماعرفش غيره توأم روح لبابا، مش صاحب مش أخ، توأم روح، شوفته فى بيتنا اكتر ما شوفته برة البيت.

وتابعت: من يوم وفاة بابا وهو مش فى طبيعته والقريب منه عارف ده، آخر مرة اتقابلنا قبل تعبه كنت بسأله اعدى عليك اخدك الساعة كام؟

قالى ماتتعبيش نفسك يا دودو سعيد حيعدى عليا سكتت شوية وسألته انهى سعيد يا عمو؟ قالى سعيد صالح يا غلباوية

واستطردت: وسكت شوية وافتكر أن بابا مات من سبع سنين وقالي أنا آسف يا دودو قصدى جمال عبد الحميد جايلى في الطريق

وأنهت هند قائلة: انا بحبك اوى اوى من رحمة ربنا عليك وكرمه أنك ارتاحت والله، وانا وجعي زاد لأن أبويا مات تاني النهاردة.

يشار إلى أن الفنان عهدي صادق قد وافته المنية صباح اليوم بعد صراع مع المرض عن عمر يناهز ٧١ عاما.