رسالة نارية من عمرو محمود ياسين لمنتقدي صلاح

أعرب المؤلف والسيناريست عمرو محمود ياسين، دعمه لمحمد صلاح كابتن منتخب مصر، ولاعب نادي ليفربول الإنجليزي، بعد كثرة الانتقاد الموجه له بعد الهزيمة أمام السنغال.

جاء ذلك عبر صفحته الشخصية، على موقع التواصل الاجتماعي فيسبوك.

محمد صلاح

وقال ياسين خلال المنشور: "لما تدعم محمد صلاح يطلع لك بعض الناس تقولك هو اله؟ هو فوق النقد؟ لا يا سيدي مش اله ولا فوق النقد ! ما انا انتقدته بعد الماتش وقلت ازاي كان وحش كده النهارده؟ بس في فرق مابين النقد وفرق ان يبقي البعيد اعمي وبيتكلم عن صلاح وهو ناسي بيتكلم عن مين ناسي ارقامه مع ناديه ومع منتخب مصر نفسه".

مباراة مصر والسنغال
وتابع: "ماتروحوا تبصوا ع ارقام الراجل اللي لسه قدامه ست سنين ع اقل منتخب مصر ان شاء الله هتلاقيه تاني هدافي منتخب مصر في التاريخ في فرق بين اني انتقد صلاح في فتره او في ماتش وفرق اني ابقي عايز اهدم واهد ايقونه لجيل كامل".

عمرو محمود ياسين

واستطرد: "بعض الناس اتولدوا وشجعوا كوره وشوية و لقوا نفسهم عندهم احسن لاعب في العالم او من ضمن احسن لاعبي العالم وفاكرينها شيء عادي أو مش مهم ده احنا كنا بنعمل فرح لما لاعب يسافر، ويبانن في السكور شيت لنادي في المانيا ولا البرتغال ليه بتهدوا في الراجل ؟ قولوا رأيكم عادي بس ليه الهد ؟؟ ليه عايزين تفرموه؟؟ وتيجي تبص علي اللي بيتكلم ده تلاقيه فاشل او محدود بمجاله أو لسه اصلا معملش حاجه ! صحيح هم يبكي وهم يضحك".