فيفي عبده: التجارة مع ربنا مش بتخسر

أكدت الفنانة فيفي عبده، أنها لا تنوي اعتزال الرقص، لأنها "الأكسجين الذي تتنفس منه"، موضحةً: "في اللي بيحب الرسم، وحاجات تانية، لكن أنا بحب الرقص الشرقي".

وأضافت فيفي عبده، في حوارها مع الإعلامية بسمة وهبة مقدمة برنامج "العرافة"، على قناة المحور: "ليه أعتزل؟! الأكسجين اللي بتنفسه، عاوزين تحرموني منه ليه؟! انا معتزلش لأني بحب الرقص الشرقي، والتجارة مع الله مش بتخسر أبدا، وعارفة الصح من الغلط كويس".

وردت عليها الإعلامية بسمة وهبة، وقالت: "انتي بتبقي حشمة وانتي بترقصي، وده خلاكِ تطمئني برضه، انتي بتعملي حاجات حشمة وجميلة وبتعرفي ترقصي بيها، سينيوريتا بترقص".

وقالت فيفي عبده: "الفن مش بالعري، اللي على البحر عريانين، والعري مفيهوش فن، لكن اللي فيه فن إني أعمل تابلو حلو، نقدم لحظة جميلة وبسمة حلوة".