عمرو مصطفي يفتح النار من جديد علي فنان كبير
هاجم الفنان والملحن عمرو مصطفي فنان كبير دون ذكر اسمه وذلك للمرة الثانيه من خلال منشور عبر صفحته الشخصية على موقع التواصل الاجتماعي فيسبوك.
وقال عمرو خلال منشوره: يعني انت كنت بتقعد مع الموزعين تخليهم يرسموا صوتك زي صوتي وكل عربه في صوتي تقولهم انا عايزها زيو وباعت ناس تقول صوته وحش طب ازاي يا جدع.
وتابع قائلا: اتلم بدل ما هنفجر اتلم ولو دكر متغنيش اي اغنيه ليا تاني لو دكر، الكلام واضح ودي قصه قصيره من قصص قادمه في الطريق مفيش حاجه اخسرها خلاص والتاريخ خلاص اتعمل احنا بنتسلي.
ظن البعض من متابعي مصطفي أنه يهاجم الفنان الكبير عمرو دياب ومنهم من كان مستاء واعترض علي هذه الطريقة في التعبير مما جعل الاول يرد بمنشور قائلا: طيب ياريت كل جمهور جدو الي في صفحتي هنا يغور في ستين داهيه لا يشرفني انه يسمعني وياريت يمسح كل التاريخ ده لاني رميته في مزبله التاريخ مبسوطين اعتقد بعد كده تبقي لجان مقصوده بقا.
يذكر أن الفنان عمرو مصطفى قد هاجم نفس الفنان دون ذكر اسمه أيضا منذ ايام قليله وفور طرحه لاولي أغنياته.
وقال عمرو خلال المنشور: رساله لجدو هتبعت ناس ولجان تشتم علي الصفحه ولا هيهز شعره مني فلوس بترميها في الارض، هتبعت ناس تقول صوته وحش ملكش دعوه انا هغني وصوتي وحش.
وتابع قائلا: هتروح تخلي ناس تسرب الاغاني هطلع افضحك وساعتها هتكون نهايتك بجد، هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب، هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ علي الفيسبوك بشرف احسن من ملايين مزيفين يا جدو وفي الاخر اتقل علشان الجاي صعب.
واضاف قائلا: نسيت انك بعت ناس للموزعين الي بشتغل معاهم في الخارج علشان انت قلوده قوي بس لما تنزل معاهم هفضحك عادي.
يشار إلي أن الفنان عمرو مصطفى قدر طرح خلال الأسبوع الماضي ثلاث اغاني من البومه الجديد وهي الا انا ، رقصه، مين هيجاريه بالإضافة إلي اغنيه اسيب نفسي واغني وهي من ألحانه وغناء دنيا سمير غانم.
