عفاف شعيب : أحمد زكي كان منبوذا

كشفت الفنانة عفاف شعيب، عن طبيعة علاقتها بالفنان الراحل أحمد زكي وقالت خلال استضافتها في برنامج واحد من الناس أن زكي كان طيب جدا، فهو كان بمثابة أخ بالنسبة لها، موضحة أنه كان منبوذا من قبل الكثير.

وذكرت أن الفنان الراحل هيثم ابن الفنان احمد زكي قال لها أن والده كتب عنها في مذكراته وعندما سألته كاتب عني ايه ؟ قال كاتب إنك وقفتي جنبه وساعدتيه وبتتحدي عشان يمثل وتجيبي له أجره وتتاخنقي بسببه عشان يمثل”.

وأشارت “أحمد كان أخ وطيب وكان في ناس كتير بتنبذه، في أستاذ من الأساتذة الكبار قال له أنت جاي المعهد تهبب إيه أنت تروح تشتغل في أي ورشة، أنت إيه اللي جابك الفنون المسرحية.

وتابعت : كان ياخد بعضه ويقعد على جنب ويعيط، و إحنا قعدنا 4 سنين في المعهد جنب بعض، وأنا كنت بقول الولد ده موهوب.. لقيته غلبان أوي وطول الوقت قاعد لوحده محدش بيكلمه خالص فصعب عليا، قولت له تعالى أقعد معانا يا أحمد فقعد يغني موعود لعبد الحليم وتحس أن عبد الحليم جوا ودانك، أنا كنت بعامله كأخ”.