الجمعة 3 فبراير 2023 09:43 صـ 13 رجب 1444 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

صرخة استغاثة من منة فضالي .. ”مساعدتي اتخطفت ومش عارفة اتصرف”

منة فضالي
منة فضالي

استغاثت الفنانة المصرية منّة فضالي بأصدقائها ومتابعيها للبحث عن مساعدتها، التي تعتقد أنه تم اختطافها.

وعبر حسابها الرسمي على "فيسبوك" كتبت منة فضالي: "صباح الخير عليكم جميعا أنا للأسف في موقف مش عارفة اتصرف فيه المساعدة بتاعتي اختفت وهي جايلي على التصوير من أول امبارح وكل ده أهلها بيدور عليها في المستشفيات والأقسام وآخر حاجة كانت راكبة عربية (أوبر)، وكانت جايه على المدينة بعديها تليفونها اتقفل من الساعة 6 المغرب".

وأضافت: "اتفتح الموبايل دقيقة الساعة 12 بليل معرفناش نعمل حاجة واستنينا يعدي 24 ساعة علشان نعمل محضر، بعض المستشفيات هي مش موجودة فيها والواضح أنها اتخطفت، وحقيقي أنا مش عارفة أعمل حاجة ودي أول مرة معرفش اتصرف فـ اللي يقدر يساعدني يبقي كتر خيره هي ساكنة في الزاوية وللأسف معنديش تفاصيل لا رقم العربية لأنها كانت مش ظاهرة ولا أي حاجة، رجاء اللي يقدر يعمل حاجة يبقي كتر خيره".

وتفاعل رواد موقع التواصل الاجتماعي "فيسبوك"، مع استغاثتها، وكتب حساب يحمل اسم "المخرج محمد حسن هلال": "سهل جدا ممكن تعرفي مين السواق اللي أخدها بالتواصل مع الشركة، لأنه أكيد الرحلة اتسجلت عندهم برقم الموبايل".

وكتب حساب يحمل اسم "محمد إبراهيم": "البيانات بتاعته هتلاقيها موجودة.. وممكن نعرف الكابتن اللي ركبت معاه، وهنعرف نزلت فين ومن هناك نقدر نشوف كاميرات المراقبة للمكان من عدمه".

وكتب حساب "ريهام رجب": "أولا لازم محضر وبعدين بالأكونت بتاعها من التطبيق هيشوفوا كانت رايحة فين وخلي النيابة هي اللي تحرك المحضر لأنكم لو روحتوا للشركة لو السواق مدان مش هيفيدوكم بحاجه وخليهم لازم يعملوا تتبع للموبايل".