ناهد السباعي: ممكن أتجوز يهودي أو مسيحي.. لكن إسرائيلي لأ

قالت الفنانة ناهد السباعي، إنه ليس لديها أي مانع لتتزوج من شخص مسيحي الديانة، على الرغم من كونها مسلمة.

وتابعت ناهد السباعي خلال لقائها في برنامج “VIp”مع الإعلامية أميرة بدر على قناة "هي": شايفة إننا كلنا بنعبد رب واحد وكلنا أديان إبراهيمية، ممكن اللي أنا شايفاه يبقى غلط وحرام، وأنا مش ضد الجواز من حد مسيحي".

واستكملت ناهد السباعي حديثها:" لو حبيت حد يهودي هتجوزه برضو عادي، نفس موقفي من المسيحي هوافق، ولكن إسرائيلي لأ طبعا، وأنا بحب المراسم الدينية في الجواز، ومبحبش المراسم المدنية، وبحب زي ما في مراسم في الجوامع وبحب شكل الأفراح في لبنان، شفت زفة فيها أجراس وأذان، ولكن لو حاجة حرام مقدرش أعملها".

وأضافت ناهد السباعي: "عشان تبقي مؤمنة لازم تبقي مؤمنة بأديان ربنا كلها، يعني أولادي يكونوا مؤمنين بالثلاث أديان، وهعلمهم الطقوس الإسلامية، أنا تعليم مدارس راهبات، اللي هيدخل الجنة في الآخر هو المؤمن".

‎ يُشار إلى أن برنامج vip يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.

مشاهدة الفيديو من هنا