بيدهن شعره بفازلين.. رامز جلال يسخر من إبراهيم نور الدين

حلّ حكم كرة القدم إبراهيم نور الدين ضيفا في الحلقة الخامسة والعشرين من برنامج المقالب "رامز نيفر إند"، تقديم الفنان الكوميدي رامز جلال، والمذاع على فضائية "MBC Masr"، خلال شهر رمضان المبارك.

وفي بداية الحلقة سخر رامز جلال من الحكم إبراهيم نور الدين، قائلا: "جاكت جلد معيز، بصو الشعر ملزق ازاي عامله بفازلين، جزمة محاسبين الشلوت منها يوجع، أومال مبتشوفش في الفار كويس ليه، ده نجم اللقطة بيدي الحكم في تلات دقايق علشان ياخد صورة".

وأكمل: "مستضفناش الفصيلة ديه، مش هعمل لحد خاطر، مركزه قوي وحساس، جامد معندوش احساسا، عنيد ودماغه مقفولة بالترباس، بيغلط في كل قرار مش بيهمه غير الشو واللقطة،مش خايف يخش النار اتضرب بالدماغ، مبقاش يتكلم مع حد من ساعة ما اتصور مع ميسي معانا ومعاكو صاحب الجلد التخين، اللي اتشتم من الملايين إبراهيم نور الدين".

وقرر رامز إجراء مقلب الغسالة في الحكم إبراهيم نور الدين، قائلا:“أهم حاجة يطلع من هنا على الإسعاف".

ووقع عدد من نجوم الفن ضحايا رامز جلال، منهم أحمد السقا، محمد رمضان، نقيب المهن الموسيقية مصطفى كامل، محمد فؤاد، ايمان العاصي، وغيرهم.