أنغام عن عمها المطرب عماد عبدالحليم: ”مات مدمناً”

أزاحت المطربة المصرية أنغام الستار عن جانب من حياة عمها المطرب عماد عبدالحليم، الذي وصفت وفاته نتيجة الإدمان بـ"الصعبة".

وقالت أنغام، أن وفاة عمها وفراقه كانت صعبة، موضحة: "عمي مش كبير عني كتير، وفرق العمر بيني وبينه زي الفرق بيني وبين أخويا خالد وكأنه أخويا الكبير".

وتابعت: "كان شخصية ما جاش زيها في كل حاجة، وكان صاحبي وكنت مهمة أوي عنده، وهو فتى أحلامي والراجل اللي بحب شكله، وكان دمه خفيف وطيب جدا وحنون على الكل".

وكشفت أنغام أن عمها توفي صغيرا وكان عمره 35 عاما، مضيفة: "كنت عارفة إن نتيجة طريقة حياته موت محتوم، ووقت وفاته في التسعينيات مكنش في وعي كافي باستيعاب شاب مدمن، وكانوا بيتعاملوا معاه بقسوة مش كمريض محتاج مساعدة كبيرة وطويلة، وهو كان بيطلب المساعدة ويحاول".