جريدة الديار
السبت 27 أبريل 2024 02:12 صـ 17 شوال 1445 هـ
بوابة الديار الإليكترونية | جريدة الديار
رئيس مجلس الإدارة أحمد عامررئيس التحريرسيد الضبع

الأخصائية النفسية مروة جوهر تكتب: احترس إنه قادم حدته سرعته قوته الخازوق

لما تلاقي نفسك مش عارف انت اي بالنسبة ليها او ليه وتايه او تايهه
لا عارف انت صاحب او صديق او حبيب
 وهي لا بتحاول تحدد معاك شكل العلاقه...خانة الاستبن 
وده بيبقى استغلال لشخص إنت عارف إن عنده تجاهك مشاعر فالبتالي بتسحله معاك لو انت عندك فراغ عاطفي وبعدين لما تستقر، هوب تبعد حاجة كده زي "خد تعالي.. خلاص روح  فتفضل العلاقة دايماً متعلقة ومش محددة.
 هو شخص انت شايفه مناسب ليك بالعقل، بس إنت مش مستعد تدخل في علاقة حالياً أو عندك أولويات تانية غير الارتباط، بس في نفس الوقت لما هتاخد القرار ده هيكون الشخص ده هو اختيارك، فإنت بتفضل سايبه كده لا على حامي ولا على بارد، عشان مستخسر تقوله لأ فيشوف حد تاني ويحبه، ومابتقولوش آه عشان متبقاش ألزمت نفسك بحاجة.

مواسم الخوازيق 
ودي المرتبطة بالمواسم، يعني زي علاقة الصيف عشان الخروجات، أو علاقة الشتا عشان الهرمونات، علاقة  مع شخص معاك في الشغل أو الجامعة او أي مكان انت موجود فيه، أو العلاقة المرتبطة بحاجات أو أنشطة انت متعود تعملها في أوقات معينة، ودي علاقة بتبدأ وبتخلص بانتهاء الموسم بتاعها أو انك تتنقل لمكان أو نشاط جديد.

معاك  وقت طويل للتفكير في البيت،مفيش خروجات ولا مولات ولا أي حتة تروحها… فقلب بقى الكلمتين دول في دماغك.. ولو اكتشفت انك استبن يا تحاول تحط إطار أو شكل للعلاقة.. يا تنهي العلاقة.. العمر مش بعزقة!