شباب زاوية جروان يضربون اروع الأمثلة للمصرين.. إفطار الصايمين علي الطرق الرئسية والمستشفيات

اسس مجموعة من شباب زاوية جروان في مركز الباجور محافظة المنوفية، فريق لإفطار الصايمين، علي الطرق الرئسية بالمركز ومصابي حادث قطار طوخ بالقليوبية. 

حيث يقوم الشباب بتوزيع الافطار مجانا على المارين كل يوم بالجهود الذاتية ؛ وبعد ظهور حادث قطار بنها امس قرروا  إنهم يغيروا المكان اللي هيوزعوا فيه وجبات الفطار ويطلعوا بالوجبات على مستشفى بنها الجامعي، وغيرها من المستشفيات اللي استقبلت مصابي الحادث عشان يوزعوا 500 وجبة إفطار على أهالي المصابين اللي موجودين معاهم!..

اكد احد الشباب اننا نعمل من اجل نيل الصواب ومشاركة أهالينا مضيفا اننا حبينا نعمل تغير قررنا المرور داخل مستشفيات التي قامت بإستقبال المصابين لتوزيع الإفطار عليهم لان الأهالي هيكونوا ملخومين في الظرف الطاريء اللي حصل ومش فايقين ولا مركزين يجيبوا فطار فقرروا إن هما اللي يقوموا بالدور ده!..

واضاف احد شباب فريق الخير قائلا دول أهالينا وماكنش ينفع نسيبهم لوحدهم، وكفاية إنشغالهم بقرايبهم المصابين، وبالنسبالنا كان كفاية الدعوات الحلوة اللي سمعناها منهم

وأشار ان الروح الطيبة بين المصرين لسة موجودة ولا يستطيع احد تغير ذلك وتعد مظهر من مظاهر قوتها إنك بتلاقي أهلها وحدة واحدة في أى صعب.. مفيش فرق لا بين مسلم ومسيحي، ولا بين كبير وصغير، ولا راجل أو ست، ولا بُعد مسافات.. المصري أصلي في كل وقت وتحت أى ظرف.

وقال أحد الشباب المشاركين، إن جميع مواردهم تقوم على التبرعات، إلى جانب أن هناك مشروعا أساسيا هو "إفطار صائم" لأبناء قرية زاوية جروان.