عمرو أديب: لولا نفذت وصية أبويا عمري ما كنت هبقى حاجة

استضافت الإعلامية ياسمين عز، الإعلاميين عمرو أديب وشريف عامر، في حلقة خاصة عبر قناة mbc مصر، بمناسبة مرور 30 عامًا على إنشاء المجموعة.

ووجهت الإعلامية ياسمين عز، سؤال لضيفيها عن ما هي المهنة التي كانوا سيعملون بها حال عدم عملهما مذيعين، حيث رد الإعلامي عمرو أديب: أنا مبعرفش أعمل حاجة بأيدي، أنا أشول كمان، ومن وصايا والدي الأخيرة لأخويا الكبير خد أخوك معاك يعمل أي حاجة، لأنه كان دايما عنده قناعة إني عمري ما هنفع، فا أنا عمري ما كنت هبقى حاجة وربنا وفقني في هذا الأمر وإلا مكنتش هبقى حاجة خالص.

فيما أجاب الإعلامي شريف عامر: أنا كنت هبقى سواق، أنا بدخل الشركات أقولهم معلومات عن العربيات وهم بيصنعوها، كان نفسي أبقى مختبر قيادة وأجرب العربيات أول ما تنزل.