هل يمكن تخسيس الشخص 10 كيلو في الشهر؟ استشاري تغذية علاجية يجيب

حذر الدكتور رامي صلاح الدين استشاري التغذية العلاجية، من ربط التخيس بأوزان معينة، موضحًا: "من أخطاء الدايت الشائعة إن حد يطلب يخس 20 كجم في فترة معينة، مينفعش نطلب نخس رقم معين في وقت معين".

وأضاف صلاح الدين خلال حواره ببرنامج صباح الخير يا مصر، من تقديم الإعلاميتين جومانا ماهر وبسنت الحسيني على القناة الأولى والفضائية المصرية: "عشان تحط لنفسك وقت ووزن معين حمل نفسي زائد لا ينعكس بالإيجاب، وقد تضطر إلى استخدام طرق غير سليمة لإنقاص الوزن".

وتابع استشاري التغذية العلاجية: "مفيش حاجه اسمها دكتور هيخسسك 10 كيلو في الشهر، الكلام ده علميا مش موجود .. طبيعة الجسم وظروف الحياة وموعد النوم والاستيقاظ وغيرها من العوامل تؤثر على الوزن".

وأردف: "لو هنتكلم عن الخسارة العشوائية للوزن ممكن نقطع النشويات أسبوع وهنخسر 3 كجم مياه، لكن الجسم هيكون اتضر في حتة تانية، وبعض الأطباء يمنعون الحصول على الدهون تماما وده يقطع الدهون على المدى البعيد، وبالتالي في 4 فيتامينات يذوبون في الدهون هيكونوا باظوا".