أميرة هاشم تكتب: الشهيد النقيب محمدي رجب الحسيني

يا قلوب مش قادرة تسكتي
صوت ألمك هز الضلوع
يا عيون مش قادرة تصمدي
منهالة منك الدموع
و يا شفايف عمالة ترددي
والصوت عالي ومسموع
إستُشهِد البطل محمدي
جاي على الأكتاف مرفوع
ورافع رؤوسنا كلها
برجولتك كلنا بنشيد
طلبت من ربك ونولتها
راجل بطل وشهيد
جاله خبر عاجل
العساكر إتصابوا
وعلشان هو راجل
مسابش أصحابه
نطق وراهم الشهادة
كان ليها بيستني
وإن كان عن القيادة
فقادهم للجنة
هنجيب حقك قريب
وهنكمل مسيرتك
هتوحشنا يا أبو قلب طيب
هتفضل مذكورة سيرتك