وائل رياض: الجيش المصرى أحسن جيش في العالم

علق وائل رياض مدرب عام منتخب مصر الاوليمبي على الحالة الإيجابية التي أحدثها مسلسل الاختيار، في حلقة الأمس، والتي تجسد استشهاد البطل أحمد منسي.

وقال وائل رياض عبر حسابه الرسمي على موقع الفيس بوك "سيبكم من قوة حلقة الاختيار واستشهاد القائد أحمد منسي، علشان من أول حلقة وناس كتير بتستشهد لايقلوا عن منسي حاجة علشان كلهم في الجنة ونعيمها".

وأكمل: "ولكن اللي جه في بالي إن اللي بنشوفه في مسلسل ده بيحصل في الحقيقة كل يوم، ناس قاعدة تدافع عن الأرض والعرض، ناس كل همها انك تعيش في أمان، ناس بتنتظر الموت كل يوم في كمين قاعدين فيه واحنا قاعدين في بيوتنا آمنين وبنتصارع في أشغالنا ومش داريانين باللي بيحصل".

وأوضح: "وآخرنا نقرأ خبر ضرب كمين أو استشهاد جنود نزعل 3 أيام، ونعمل حداد في التلفزيونات، ونتهرس تاني مع دوامة الحياة، من الآخر الدرس اللي اتعلمته من الاختيار، هو إن جيشنا أحسن جيش في العالم، وجزمة أي جندي في الجيش فوق دماغي، ومصر هتفضل قوية غصب عن أي حد".

هشام العامري ساخرا: مبروك على الزمالك لافتة نادي القرن

وشدد: "قعدة ولادي أدام مسلسل الاختيار، وسؤالهم عن كل تفصيلة وشرحي ليهم يعني إيه جيش مصري، وحماسهم وشغفهم وهما بيتفرجوا، يخليني أقول لصناع السينما والأفلام، هي دي النوعية اللي احنا محتاجنها بجد تكون في شاشات عرضنا الأيام المقبلة، علشان ننمي حب الوطن، ومنسمحش لحد بعمل غسيل مخ للأجيال القادمة".