النجم محمد سعد: العيد بالنسبة لى هو بيت العائلة والصلاة فى السيدة نفيسة
النجم الكوميدى محمد سعد،كشف عن ذكرياته منذ الطفولة مع عيد الأضحى، حيث قال "العيد بالنسبة لى هو بيت العائلة والصلاة فى السيدة نفيسة، وبعدها الجرى بسرعة بعد الصلاة لمشاهدة ذبح الأضحية فى بيتنا وعند الجيران".
واشار النجم محمد سعد الشهير باللمبي عن ذكرياته منذ الطفولة والشباب:
"فى عيد الأضحى نفرح أكتر بالعيد لما نقطع الدبيحة، ونجرى عشان نوزعها على جيراننا وأقاربنا والناس الطيبين عند السيدة نفيسة، ونخلص العجل نجرى على المراجيح أنا وصحابى، وبصراحة الواحد مش بيحس بالعيد إلا فى المناطق اللى أتربينا وكبرنا فيها، لأن أحيانا كنا بنركب العجل ونهزر ونضحك".
من جانب اخر كانت آخر مشاركة سينمائية للفنان محمد سعد من خلال فيلم "الكنز 2"، وشاركه بطولته الفنان محمد رمضان وعدد كبير من النجوم، ولقد فاز سعد بجائزة أحسن ممثل دور أول عن دوره في فيلم الكنز2، في ختام فعاليات مهرجان جمعية الفيلم في دورته الـ46
