جميلة عوض : أنا ضد التنمر وتعاملوا معاه زي النمش الي كان زمان مش مقبول ودلوقتي موضة
قالت الفنانة جميلة عوض خلال لقاءها مع لميس الحديدي : التنمر ضد المرأة في المجتمع المصابة بالبهاق مقارنة بالرجل او اي معاناة أخرى قالت عو ض" مش عايزة اكون متحيزة في القصة دي بالذات المتعلقة بمرض البهاق لانه " غلس " للطرفين رجال ونساء وأنا بعمل بحث على الانترنت لقيت رجالة في فيديوهات بتعيط على مواقف تعرضوا ليها زي إزاي المدرس مازعقش للطلبة زمايلهم في المدرسة لما تنمروا عليهم بسبب البهاق .. وللاسف رغم ان بقوا رجالة كبار بس لسه المواقف معلقة في اذهانهم منذ وقت المدرسة لكن عامة السيدات يتعرضن للتنمر بشكل أكبر لان الامر متعلق هنا بمعايير الجمال والجمال مرتبط بالست اكتر من الراجل وإزاي هتتجوز ؟ وأزاي هتختار الراجل ؟ عشان جزء كبير من مقاييس الست هي الجمال " .
وحول الرسالة التي ترغب في إيصالها قالت " الرسالة ضد التنمر وضد مقاييس الجمال الخاطئة لان محدش نزلنا بكتالوج لما ـولدنا إن دي معايير الشكل الحلو والمعايير الان هي معايير نسبية واي كتالوج إحنا الي عملناه وهخدي مثال على ذلك هي النمش مثلاً كان مشكلة زمان دلوقتي دخل في معايير الموضة وبقى فيه ناس كتير بتعمله في الميكب ليه مانتعاملش مع المرض زي النظارة والنمش ؟ ".
وداعبتها لميس الحديدي قائلة " مالها النظارة ياجميلة ؟ فردت الاخيرة قائلة " مش قصدي انا طول عمري كان نفسي احط نظارة وأنا من طفولتي كان نفسي نظري يبقى ضعيف ويجبولي نظارة لاني شايفاها طول الوقت حاجة " كول " وكان نفسي ابقى زي الاطفال الي بيلبسوا نظارة ".
